തിരുവനന്തപുരം: സംസ്ഥാന മൃഗസംരക്ഷണ വകുപ്പ് ഈ മേഖലയിലെ മികച്ച കര്ഷകര്ക്ക് അവാര്ഡുകള് നല്കുന്നു. സംസ്ഥാനതലത്തില് ഏറ്റവും മികച്ച ക്ഷീര കര്ഷകന്, വാണിജ്യാടിസ്ഥാനത്തില് മികച്ച ഡയറി ഫാം നടത്തുന്ന കര്ഷകന്, കോഴി വളര്ത്തല് കര്ഷകന്, സമ്മിശ്ര മൃഗപരിപാലകന്, യുവകര്ഷകന്, വനിതാ സംരംഭക എന്നിവര്ക്കും, ജില്ലാ തലത്തില് മികച്ച ക്ഷീരകര്ഷകനും, മികച്ച സമ്മിശ്രമൃഗപരിപാലകനും അവാര്ഡുകള് നല്കും.
മികച്ച ക്ഷീര കര്ഷകന് ഇരുപതിനയിരം രൂപയും പ്രശസ്തി പത്രവും, മികച്ച സമ്മിശ്ര കര്ഷകന് പതിനായിരം രൂപയും പ്രശസ്തി പത്രവും അവാര്ഡായി ലഭിക്കും. സംസ്ഥാനതലത്തിലെ ആദ്യ മൂന്ന് അവാര്ഡുകള്ക്ക് ഒരുലക്ഷം രൂപയും പ്രശസ്തിപത്രവും ഫലകവും ശേഷിക്കുന്നവയ്ക്ക് അന്പതിനായിരം രൂപയും പ്രശസ്തിപത്രവും ഫലകവും അടങ്ങുന്നതാണ് അവാര്ഡ്. ജില്ലാതലത്തില് അവാര്ഡിന് തിരഞ്ഞെടുക്കപ്പെടുന്നവരില് നിന്നും ഏറ്റവും മികച്ച ക്ഷീര കര്ഷകനും, മികച്ച സമ്മിശ്ര കര്ഷകനും സംസ്ഥാന അവാര്ഡുകള് നല്കും. സംസ്ഥാന ജേതാവിന്റെ ജില്ലയിലെ രണ്ടാം സ്ഥാനക്കാരന് ജില്ലാ വിജയി പട്ടം നല്കുന്നതാണ്. വാണിജ്യാടിസ്ഥാനത്തില് മികച്ച ഡയറി ഫാം നടത്തുന്ന കര്ഷകര്, മികച്ച യുവ കര്ഷകനും, മികച്ച പൗള്ട്രി കര്ഷകനും, മികച്ച വനിതാ സംരംഭകയ്ക്കും സംസ്ഥാനതലത്തില് മാത്രമേ അവാര്ഡ് നല്കുന്നുള്ളൂ. അപേക്ഷാഫോറവും മാര്ഗനിര്ദ്ദേശങ്ങളും മൃഗാശുപത്രികളിലും മൃഗസംരക്ഷണ വകുപ്പിന്റെwww.ahd.kerala.gov.in വെബ്സൈറ്റിലും ലഭിക്കും. പൂരിപ്പിച്ച അപേക്ഷകള് നവമ്പര് 30 ന് മുമ്പ് മൃഗാശുപത്രിയില് സമര്പ്പിക്കണം.
മുന്വര്ഷങ്ങളിലെ സംസ്ഥാന അവാര്ഡ് ജേതാക്കള്ക്ക് അപേക്ഷിക്കാനാവില്ല. ജില്ലാതല അവാര്ഡ് ജേതാക്കള്ക്ക് സംസ്ഥാന അവാര്ഡിനായി അപേക്ഷിക്കാം.
