തിരുവനന്തപുരം: ശ്രേഷ്ഠഭാഷാ വാരാഘോഷങ്ങളുടെ ഭാഗമായി, നിയമസഭാ ലൈബ്രറി സംഘടിപ്പിച്ച മലയാള ചെറുകഥാ ശാഖയിലെ പുസ്തകങ്ങളുടെ പ്രദര്ശനം നിയമസഭാ സെക്രട്ടറി പി.ഡി. ശാരംഗധരന് ഉദ്ഘാടനം ചെയ്തു. ലൈബ്രറി റഫറന്സ് ഹാളില് നടക്കുന്ന പ്രദര്ശനം ഇന്നും (നവംബര് ഏഴ്) തുടരും. ആദ്യ മലയാള ചെറുകഥയായ വാസനാവികൃതി മുതല്, ആധുനിക കാലഘട്ടത്തിലെ കഥകള് വരെ ഉള്പ്പെടുന്ന പ്രദര്ശനം മലയാള ചെറുകഥയുടെ വികസന പരിണാമങ്ങള് വ്യക്തമാക്കുന്നതാണ്. ഇതോടൊപ്പം മലയാള സാഹിത്യകാരന്മാരെപ്പറ്റി പൊതുജന സമ്പര്ക്ക വകുപ്പ് തയ്യാറാക്കിയിട്ടുളള ഡി.വി.ഡി യും പ്രദര്ശിപ്പിക്കുന്നുണ്ട്.
ചെറുകഥാ പുസ്തകങ്ങളുടെ പ്രദര്ശനം
പുതിയ വാർത്തകൾ
