കണ്ണൂര്: ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളുടെ 81-ാം
ജയന്തി ആഘോഷങ്ങള്ക്ക് കൊട്ടിയൂര് പാലുകാച്ചിയിലെ ശ്രീസത്യാനന്ദഗുരുപീഠത്തില് ഭക്തിനിര്ഭരമായ തുടക്കമായി. ജയന്തി ആഘോഷങ്ങളുടെ ഭാഗമായി പാലുകാച്ചി തീര്ത്ഥാടനം ശ്രീരാമദാസമിഷന് യൂണിവേഴ്സല് സൊസൈറ്റി അദ്ധ്യക്ഷന് സ്വാമി സത്യാനന്ദതീര്ത്ഥപാദരുടെ നേതൃത്വത്തില് ആരംഭിച്ചു. നിരവധി ഭക്തജനങ്ങള് രാമമന്ത്രജപത്തോടെ പാലുകാച്ചി മലയടിവാരത്തുള്ള ഭജനമഠത്തില് നിന്നും പദയാത്രയായി എത്തിയാണ് ശ്രീസത്യാനന്ദഗുരുപീഠത്തില് പൂജകളില് പങ്കെടുത്തത്. ശ്രീരാമദാസമിഷന് യൂണിവേഴ്സല് സൊസൈറ്റി സംസ്ഥാന ഓര്ഗനൈസര് ബ്രഹ്മചാരി അരുണ്, പി.എസ്.മോഹനന് കൊട്ടിയൂര്, പയ്യന്നൂര് അവധൂതാശ്രമത്തിലെ സാധു വിനോദ് തുടങ്ങിയവരുടെ നേതൃത്വത്തില് സത്സംഗവും നടന്നു.
സെപ്റ്റംബര് 25 വരെ സംസ്ഥാനത്തെ വിവിധ ജില്ലകളിലെ ആശ്രമകേന്ദ്രങ്ങളില് ഗുരുപൂജ, ഗണപതിഹോമം, അര്ച്ചന, സത്സംഗം, പ്രസാദഊട്ട് എന്നിവ നടക്കും. ശ്രീരാമദാസ ആശ്രമം അദ്ധ്യക്ഷന് സ്വാമി ബ്രഹ്മപാദാനന്ദസരസ്വതി തൃപ്പാദങ്ങള് പൂജകള്ക്ക് മുഖ്യകാര്മികത്വം വഹിക്കും.
Discussion about this post