ചെന്നൈ: തമിഴ്നാട് മുന് മുഖ്യമന്ത്രി ജെ. ജയലളിതയുടെ നിര്യാണത്തില് അനുശോചനം രേഖപ്പെടുത്തി പ്രമുഖര്. രാഷ്ട്രപതി പ്രണബ് മുഖര്ജിയും പ്രധാനമന്ത്രി നരേന്ദ്ര മോദിയുമുള്പ്പെടെയുള്ളവര് അനുശോചനമറിയിച്ചു. ജനകീയ നേതാവിനെയാണ് നഷ്ടമായതെന്ന് പറഞ്ഞ രാഷ്ട്രപതി ജനലക്ഷങ്ങള് നെഞ്ചേറ്റിയ നേതാവായിരുന്നു ജയലളിതയെന്നും അനുസ്മരിച്ചു. ഇന്ത്യന് രാഷ്ട്രീയത്തിനു തന്നെ നികത്താനാവാത്ത നഷ്ടമാണ് ജയയുടെ മരണത്തോടെ ഉണ്ടായിരിക്കുന്നതെന്ന് പ്രധാനമന്ത്രി നരേന്ദ്ര മോദി പറഞ്ഞു. സാധാരണക്കാര്ക്കൊപ്പം നിന്ന നേതാവിനെയാണ് നഷ്ടമായതെന്നും പ്രധാനമന്ത്രി അനുസ്മരിച്ചു.
ഇന്ത്യന് രാഷ്ട്രീയത്തിലെ ശക്തമായ സാന്നിധ്യമാണ് ഇല്ലാതായതെന്നും എല്ലാ വിഭാഗം ജനങ്ങളെയും ഒരുപോലെ കണ്ട നേതാവായിരുന്നു ജയലളിതയെന്നും കോണ്ഗ്രസ് ഉപാധ്യക്ഷന് രാഹുല് ഗാന്ധിയും കേരളത്തോട് എന്നും മമത പുലര്ത്തിയ നേതാവിനെയാണ് നഷ്ടമായതെന്ന് കേരള മുഖ്യമന്ത്രി പിണറായി വിജയനും അനുസ്മരിച്ചു.
കോണ്ഗ്രസ് അധ്യക്ഷ സോണിയ ഗാന്ധി, ബിജെപി അധ്യക്ഷന് അമിത് ഷാ, ചലചിത്ര താരങ്ങളായ അമിതാഭ് ബച്ചന്, ഷാരൂഖ് ഖാന് വിവിധ സംസ്ഥാനങ്ങളുടെ മുഖ്യമന്ത്രിമാര്, കേന്ദ്രമന്ത്രിമാര്, രാഷ്ട്രീയ-സാമൂഹിക-സാംസ്കാരിക രംഗങ്ങളിലെ പ്രമുഖര് തുടങ്ങി നിരവധിപ്പേര് ജയലളിതയുടെ നിര്യാണത്തില് അനുശോചനം രേഖപ്പെടുത്തി.
Discussion about this post