ശബരിമല: മണ്ഡല മകരവിളക്ക് ഉത്സവകാലത്ത് സ്തുത്യഹര്മായ പ്രവര്ത്തനം നടത്തിയ എല്ലാ മാദ്ധ്യമപ്രവര്ത്തകരെയും ദേവസ്വം മന്ത്രി കടകംപളളി സുരേന്ദ്രന് അഭിനന്ദിച്ചു. ഇക്കാലയളവില് അച്ചടി-ദൃശ്യമാദ്ധ്യമങ്ങള് ശബരിമലയുമായി ബന്ധപ്പെട്ട വാര്ത്തകള്ക്ക് മികച്ച പ്രചാരമാണ് നല്കിയത്. മകരവിളക്ക് ദിവസം തല്സമയം സംപ്രേഷണം നടത്തി ദൃശ്യമാദ്ധ്യമങ്ങള് ലോകത്തെല്ലായിടത്തുമുളള ഭക്തര്ക്ക് മുന്നില് ശബരിമലയുടെ കീര്ത്തി എത്തിച്ചു.
കമനീയമായ കലണ്ടര്, ഡയറക്ടറി എന്നിവ സമയബന്ധിതമായി പ്രസീദ്ധീകരിച്ചും വാട്ട്സ്ആപ് , ഫേസ്ബുക്ക്, ട്വിറ്റര് അക്കൗണ്ടുകള്,പത്രകുറിപ്പുകള്, വീഡീയോ ക്ളിപ്പുകള് എന്നിവയിലൂടെ ഉത്സവകാലത്തെ വാര്ത്തകള് തത്സമയം മാധ്യമങ്ങളെയും വിവിധ വകുപ്പുദ്യോഗസ്ഥരെയും അറിയിച്ചും ഐ ആന്റ് പി ആര് ഡി വകുപ്പ് മാതൃകാപരമായ പ്രവര്ത്തനമാണ് ഇക്കാലയളവില് കാഴ്ചവച്ചതെന്നും സന്ദേശത്തില് മന്ത്രി പറഞ്ഞു.
Discussion about this post