തിരുവനന്തപുരം: മന്ത്രിമാരുടെ വിദേശയാത്രയ്ക്കുള്ള അനുമതി നിഷേധിച്ച കേന്ദ്ര സര്‍ക്കാരിനെതിരേ രൂക്ഷ വിമര്‍ശനവുമായി മുഖ്യമന്ത്രി പിണറായി വിജയന്‍. കേരളത്തോട് കേന്ദ്ര സര്‍ക്കാരിന് വിവേചനപരമായ നിലപാടാണ് ഉള്ളതെന്ന് അദ്ദേഹം വാര്‍ത്താ സമ്മേളനത്തില്‍ പറഞ്ഞു. മന്ത്രിമാര്‍ക്ക് വിദേശയാത്രയ്ക്കുള്ള അനുമതി നിഷേധിച്ചത് എന്തിന്റെ അടിസ്ഥാനത്തിലാണെന്ന് കേന്ദ്ര സര്‍ക്കാര്‍ വ്യക്തമാക്കണം. പ്രവാസി സഹോദരങ്ങളില്‍നിന്ന് നമ്മുടെ നാടിന്റെ പുനര്‍നിര്‍മാണത്തിനുള്ള സഹയത്തിനാണ് താന്‍ യുഎഇയിലേക്ക് പോയതെന്നു മുഖ്യമന്ത്രി പറഞ്ഞു. മന്ത്രിമാരുടെ യാത്രയുമായി ബന്ധപ്പെട്ട് മുഖ്യമന്ത്രി കേന്ദ്ര സര്‍ക്കാരിലെ ബന്ധപ്പെട്ടവരുമായി സംസാരിച്ചാല്‍ പോലും പ്രയോജനമൊന്നുമില്ല എന്ന മറുപടിയാണ് പിന്നീട് ലഭിച്ചിരുന്നതെന്നും അദ്ദേഹം വ്യക്തമാക്കി. യുഎഇ സന്ദര്‍ശനം വമ്പിച്ച വിജയമായിരുന്നെന്നും മുഖ്യമന്ത്രി കൂട്ടിച്ചേര്‍ത്തു.
കേരളത്തോട് കേന്ദ്ര സര്‍ക്കാരിന് വിവേചനപരമായ നിലപാടു കാണിക്കുന്നുവെന്ന് മുഖ്യമന്ത്രി
പുതിയ വാർത്തകൾ
