തിരുവനന്തപുരം: സംസ്ഥാന യുവജനക്ഷമ ബോര്‍ഡിന്റെ ആഭിമുഖ്യത്തില്‍ സംഘടിപ്പിക്കുന്ന ഇന്റര്‍നാഷണല്‍ ഡാന്‍സ് & മ്യൂസിക് ഫെസ്റ്റിവലിന് ഇന്ന് (മാര്‍ച്ച് 1) തുടക്കമാവും. നിശാഗന്ധി ഓഡിറ്റോറിയത്തില്‍ വൈകിട്ട് അഞ്ചിന് സ്പീക്കര്‍ പി.ശ്രീരാമകൃഷ്ണന്‍ മേള ഉദ്ഘാടനം ചെയ്യും. മേളയില്‍ കേരളത്തിലും മറ്റു സംസ്ഥാനങ്ങളിലും വിദേശത്തുമുളള മുന്നൂറോളം കലാകാരന്‍മാര്‍ വിവിധ നൃത്ത-സംഗീത രൂപങ്ങള്‍ കാണികള്‍ക്കായി അവതരിപ്പിക്കും.
റഷ്യ, കസാക്കിസ്ഥാന്‍, ശ്രീലങ്ക, ആഫ്രിക്കന്‍ രാജ്യങ്ങള്‍ എന്നിവിടങ്ങളില്‍ നിന്നുളള കലാകാരന്‍മാര്‍ പങ്കെടുക്കും. മഹാരാഷ്ട്ര, ആന്ധ്രാപ്രദേശ്, പഞ്ചാബ്, ഗുജറാത്ത് എന്നീ സംസ്ഥാനങ്ങളിലെയും കേരളത്തിലെയും കലാപ്രതിഭകള്‍ വിവിധ നൃത്ത-സംഗീത പരിപാടികള്‍ അവതരിപ്പിക്കും. ഫെസ്റ്റിവല്‍ മാര്‍ച്ച് 3ന് സമാപിക്കും.
Discussion about this post