തിരുവനന്തപുരം: സംസ്ഥാനത്ത് റേഷന്‍കാര്‍ഡ് പുതുക്കലുമായി ബന്ധപ്പെട്ട് പുതിയ റേഷന്‍കാര്‍ഡ് ഇതുവരെ കൈപ്പറ്റാത്ത കാര്‍ഡുടമകളുടെ വിവരം സിവില്‍ സപ്ലൈസ് വകുപ്പിന്റെ വെബ്സൈറ്റില്‍ (www.civilsupplieskerala.gov.in) ജില്ല തിരിച്ച് താലൂക്ക് സപ്ലൈ/സിറ്റി റേഷനിംഗ് ഓഫീസുകളിലെ പട്ടിക പ്രസിദ്ധീകരിച്ചു. പട്ടികയില്‍ ഉള്‍പ്പെട്ട കാര്‍ഡുടമകള്‍ മാര്‍ച്ച് 13 നകം അതാത് താലൂക്ക് സപ്ലൈ ഓഫീസ്/ സിറ്റി റേഷനിംഗ് ഓഫീസുകളില്‍ എത്തി ഇതുവരെ വാങ്ങാത്തതിനുള്ള കാരണം കാണിച്ച് അപേക്ഷ നല്‍കി കാര്‍ഡുകള്‍ കൈപ്പറ്റണം. അല്ലെങ്കില്‍ ഇനിയൊരു അറിയിപ്പ് കൂടാതെ കാര്‍ഡുകള്‍ റദ്ദുചെയ്യും. ഇപ്രകാരം റദ്ദാക്കിയ കാര്‍ഡുകളില്‍പ്പെട്ടവര്‍ പിന്നീട് പുതിയ കാര്‍ഡിന് അപേക്ഷ നല്‍കിയാല്‍ അവരില്‍ നിന്നും പഴയ കാര്‍ഡ് അച്ചടിക്കു ചെലവായ തുക പിഴയായി ഈടാക്കുമെന്ന് സിവില്‍ സപ്ലൈസ് ഡയറക്ടര്‍ അറിയിച്ചു.
പുതുക്കിയ റേഷന്‍കാര്‍ഡ് മാര്‍ച്ച് 13 നകം കൈപ്പറ്റണം
പുതിയ വാർത്തകൾ
Discussion about this post