വാഷിങ്ടണ്: കാശ്മീര് വിഷയം ചര്ച്ച ചെയ്യുന്നതിനായി മൂന്നാമതൊരു രാജ്യത്തിന്റെ മധ്യസ്തതആവശ്യമില്ലെന്ന മുന് അമേരിക്കന് പ്രസിഡന്റെ ഡൊണാള്ഡ് ട്രംപിനോടും ആവര്ത്തിച്ച് പ്രധാനമന്ത്രി നരേന്ദ്രമോദി. കശ്മീര് വിഷയത്തില് ബാഹ്യ ഇടപെടല് വേണ്ടെന്ന് മോദി വ്യക്തമാക്കി. ജി ഏഴ് ഉച്ചകോടിയില് മോദി ട്രംപ് കൂടിക്കാഴ്ചക്കിടെയാണ് പ്രധാനമന്ത്രി നിലപാട് ആവര്ത്തിച്ചത്.
മോദിയുമായുള്ള കൂടിക്കാഴ്ചയില് കാശ്മീര് വിഷയം ചര്ച്ച ചെയ്തുവെന്ന് ട്രംപ് പിന്നീട് വെളിപ്പെടുത്തി കാര്യങ്ങള് നിയന്ത്രണവിധേയമാണെന്നാണ് മോദി പറയുന്നതെന്നും അദ്ദേഹം കൂട്ടിച്ചേര്ത്തു. കാശ്മീരിലെ സ്ഥിതി അതീവ ഗുരുതരമാണെന്നായിരുന്നു നേരത്തെ ട്രംപിന്റെ പ്രതികരണം.
പാകിസ്ഥാനുമായി ഇന്ത്യ സംസാരിച്ച് പ്രശ്നങ്ങള് പരിഹരിക്കുമെന്നും കാര്യങ്ങളില് ശുഭകരമായ മാറ്റങ്ങള് സൃഷ്ചിക്കാന് അവര്ക്ക് സാധിക്കുമെന്നാണ് എന്റെ പ്രതീക്ഷ – ട്രംപ് പറഞ്ഞു.
പാകിസ്ഥാനും ഇന്ത്യയ്ക്കുമിടയിലുള്ള എല്ലാ പ്രശ്നങ്ങളും ഞങ്ങള്ക്കിടയില് തന്നെയുള്ള ചര്ച്ചകളിലൂടെ പരിഹരിക്കാന് സാധിക്കും. അതിനാല് തന്നെ മറ്റൊരു രാജ്യത്തെ ഇതിലേക്ക് വലിച്ചിഴക്കേണ്ട കാര്യമില്ല. – ട്രംപിനൊപ്പം മാധ്യമങ്ങളെ കണ്ട മോദി പറഞ്ഞു. 1947-ന് മുന്പ് ഇന്ത്യയും പാകിസ്ഥാനും ഒന്നായിരുന്നു. ഞങ്ങളുടെ പ്രശ്നങ്ങള് ചര്ച്ച ചെയ്യാനും അതു ഒന്നിച്ചു നിന്ന് പരിഹരിക്കാനും ഞങ്ങള്ക്കാവും. ഇന്ത്യയും പാകിസ്ഥാനും തമ്മിലുള്ളത് ഉഭയകക്ഷി പ്രശ്നമാണ് മറ്റ് രാജ്യങ്ങള്ക്ക് ഇക്കാര്യത്തില് ആശങ്ക വേണ്ട – പ്രധാനമന്ത്രി നരേന്ദ്രമോദി കൂട്ടിച്ചേര്ത്തു.
Discussion about this post