തിരുവനന്തപുരം: കേരള സ്റ്റേറ്റ് സ്പോര്ട്സ് കൗണ്സിലിന്റെ ആഭിമുഖ്യത്തില് ആറ്റിങ്ങല് ശ്രീപാദം സ്റ്റേഡിയത്തില് അഞ്ചിനും ആറിനും നടത്താനിരുന്ന സംസ്ഥാന ജൂനിയര് ഖോ ഖോ ചാമ്പ്യന്ഷിപ്പ് എട്ടിനും ഒന്പതിനും നടക്കും. ഒക്ടോബര് 24ന് 18 വയസ്സ് തികയാത്ത കായിക താരങ്ങള്ക്ക് മത്സരങ്ങളില് പങ്കെടുക്കാം. ചാമ്പ്യന്ഷിപ്പില് നിന്ന് 19 മുതല് 23 വരെ ഗുജറാത്തിലെ സൂററ്റില് നടക്കുന്ന ദേശീയ ജൂനിയര് ഖോ ഖോ മത്സരത്തിനുള്ള സംസ്ഥാന ടീമിനെ തിരഞ്ഞെടുക്കും.
സംസ്ഥാന ടീമില് തിരഞ്ഞെടുക്കുന്ന കായിക താരങ്ങള്ക്ക് 11 മുതല് 15 വരെ സംസ്ഥാന പരിശീലന ക്യാമ്പ് ആറ്റിങ്ങല് ശ്രീപാദം സ്റ്റേഡിയത്തില് നടക്കും. കേരള ഖോ ഖോ ജൂനിയര് ടീം 16ന് ഗുജറാത്തിലേക്ക് യാത്ര തിരിക്കും. സംസ്ഥാന മത്സരങ്ങളില് പങ്കെടുക്കുന്ന ജില്ലാ ടീമുകള് 8ന് രാവിലെ എട്ടു മണിക്ക് മുമ്പ് ആറ്റിങ്ങല് ശ്രീപാദം സ്റ്റേഡിയത്തില് റിപ്പോര്ട്ട് ചെയ്യണം.
Discussion about this post