ദോഹ: വന്ദേഭാരത ദൗത്യത്തിലെ ദോഹ-തിരുവനന്തപുരം വിമാനം റദ്ദാക്കിയതില് വിശദീകരണവുമായി ഖത്തര്. എയര് ഇന്ത്യ എക്സ്പ്രസ് യാത്രക്കാരില് നിന്ന് പണം വാങ്ങിയാണ് സര്വീസ് നടത്തുന്നത്. പണം ഈടാക്കിയുള്ള സര്വീസിന് തങ്ങളും തയാറാണെന്ന് വ്യോമയാന മന്ത്രാലയത്തെ ഖത്തര് അറിയിച്ചതായാണ് സൂചന. സാധാരണ ഇത്തരം വിമാന സര്വീസുകളുടെ കൂലി അതാത് രാജ്യമാണ് ഏറ്റെടുക്കുന്നത്. എയര് ഇന്ത്യ സാധാരണ സര്വീസാണ് നടത്തുന്നതെങ്കില് അതിന് ഖത്തര് എയര്വേയ്സും തയാറാണെന്നാണ് വിശദീകരണം. ദോഹയില് നിന്നു തിരുവനന്തപുരത്തേക്ക് 181 പ്രവാസികളുമായി ഞായറാഴ്ച എത്തുമെന്നറിയിച്ചിരുന്ന യാത്രാ വിമാനമാണ് റദ്ദാക്കിയത്. ദോഹയില് വിമാനമിറങ്ങുന്നതിന് അനുമതി ലഭിക്കാത്തതാണ് വിമാനം റദ്ദാക്കാന് കാരണമെന്നായിരുന്നു റിപ്പോര്ട്ട്. ചൊവ്വാഴ്ചയോടെ വിമാനം വരാന് സാധ്യതയുണ്ട്. 15 ഗര്ഭിണികളും ഇരുപതു കുട്ടികളും ഉള്പ്പെടെ 181 യാത്രക്കാരരാണ് ടിക്കറ്റ് എടുത്തിരുന്നത്.
Discussion about this post