തിരുവനന്തപുരം : ആറ്റുകാല് ഭഗവതി ക്ഷേത്രത്തിലെ പൊങ്കാല മഹോത്സവത്തിന് തുടക്കമായി. രാവിലെ 10.50ന് ദേവിയെ കാപ്പുകെട്ടി കുടിയിരുത്തും. ഇതിനൊപ്പം പച്ചപ്പന്തലില് തോറ്റംപാട്ട് തുടങ്ങും. ഇളങ്കോ അടികള് രചിച്ച തമിഴ് കാവ്യമായ ചിലപ്പതികാരത്തിലെ കണ്ണകിയുടെ കഥയാണ് തോറ്റം പാട്ടായി മുഴങ്ങുന്നത്.
ഇന്ന് രാവിലെ 4.30 മുതല് ക്ഷേത്ര ചടങ്ങുകള് ആരംഭിക്കുകയും പുലര്ച്ചെ ഒന്നിന് നട അടയ്ക്കും. രാവിലെ 8.30ന് പന്തീരടി പൂജയും ഉച്ചക്ക് 12.30ന് ഉച്ചശ്രീബലിയും നടക്കും. രാവിലെ 10 മുതല് അംബാ ഓഡിറ്റോറിയത്തില് അന്നദാനം .
വൈകുന്നേരം 6.30ന് കലാപരിപാടികളുടെ ഉദ്ഘാടനം നടന് മോഹന്ലാല് നിര്വഹിക്കും. ആറ്റുകാല് അംബാ പുരസ്കാരം മോഹന്ലാലിന് സമ്മാനിക്കും. അംബ ഓഡിറ്റോറിയത്തില് രാത്രി എട്ടുമുതല് സംഗീത കച്ചേരിയും 10ന് ഭക്തിഗാനമേളയും.അംബിക ഓഡിറ്റോറിയത്തില് വൈകുന്നേരം മുതല് നൃത്തവും അംബാലിക ഓഡിറ്റോറിയത്തില് രാവിലെ അഞ്ചു മുതല് ഭജനയും തുടര്ന്ന് നൃത്തനൃത്യങ്ങളും അരങ്ങേറും. 17നാണ് പൊങ്കാല. രാവിലെ 10.50ന് പണ്ടാര അടുപ്പില് അഗ്നി പകരും. ഉച്ചയ്ക്ക് 1.20ന് നിവേദിക്കും.
Discussion about this post