കടുങ്ങല്ലൂര്‍ ശ്രീ ചാറ്റുകുളം മഹാദേവ ക്ഷേത്രത്തില്‍ തിരുവാതിര തിരുവുത്സവം

ആലുവ: കടുങ്ങല്ലൂര്‍ ശ്രീ ചാറ്റുകുളം മഹാദേവ ക്ഷേത്രത്തിലെ തിരുവാതിര തിരുവുത്സവത്തിന് കൊടിയേറി. ഇന്നലെ രാത്രി 7 ന് ശേഷം ക്ഷേത്രം തന്ത്രി ബ്രഹ്മശ്രീ ഇടപ്പിള്ളി മന ദേവനാരായണന്‍ നമ്പൂതിരിയുടെ മുഖ്യകാര്‍മ്മികത്വത്തിലാണ് തൃക്കൊടിയേറ്റ് നടന്നത് തുടര്‍ന്ന് ടി.എസ് രാധാകൃഷ്ണജി ആന്റ് പാര്‍ട്ടിയുടെ ഭക്തിഗാനതരംഗിണി നടന്നു.

31ന് (ശനി) പുലര്‍ച്ചെ 3.30ന് പള്ളിയുണര്‍ത്തല്‍, 4 ന് നിര്‍മ്മാല്യ ദര്‍ശനം, 8 ന് ശ്രീബലി എഴുന്നള്ളിപ്പ്, വൈകിട്ട് 5ന് കാഴച ശ്രീബലി, ദീപാരാധന, തിരുവാതിര കളി, നാട്ടുകൂട്ടം 1 രാത്രി 8.45ന് വിളക്കിനെഴുന്നള്ളിപ്പ്. ജനുവരി – 1 (ഞായര്‍) ന് രാവിലെ 9-30 ന് ഉത്സവബലി ദര്‍ശനം, വൈകിട്ട് 7ന് തിരുവാതിരകളി, 7.30 ന് നാടന്‍പാട്ട് 2-ന് (തിങ്കള്‍) വൈകിട്ട് 7 -30 ന് ഗാനമേള. 3ന് (ചൊവ്വ ) വൈകിട്ട് 7 -30 ന് കര്‍ണ്ണശപഥം കഥകളി,
4 ന് (ബുധന്‍ ) ചെറിയ വിളക്ക്: വൈകിട്ട് 7ന് എട്ടങ്ങാടി, 8 ന് പിന്‍വിളക്ക്.

5 ന് (വ്യാഴം) വലിയ വിളക്ക്. രാവിലെ 8ന് – 3 ഗജവീരന്‍മാരുടെ അകമ്പടിയോടെ ശ്രീബലി എഴുന്നള്ളിപ്പ്.( ഗജരാജന്‍ കിരണ്‍ നാരായണന്‍കുട്ടി ചാറ്റുകുളത്തപ്പന്റെ തിടമ്പേറ്റും) 12 ന് ആനയൂട്ട് തുടര്‍ന്ന് പ്രസാദ ഊട്ട് – വൈകിട്ട് 4ന് പകല്‍പ്പൂരം, രാത്രി 11-30ന് പള്ളിവേട്ട തിരുവാതിര കളി, പാതിരാപൂ ചൂടല്‍, ഉറക്കമൊഴിയല്‍’ 6 ന് (വെള്ളി) രാവിലെ 7 ന് തൃക്കൊടിയിറക്കം.10.30 മുതല്‍ ആറാട് സദ്യ- വൈകിട്ട് 4ന് ആറാട്ടെഴുന്നള്ളിപ്പ്: 6 ന് ആലുവ മഹാദേവ സന്നിധിയില്‍ പെരിയാറില്‍ ആറാട്ട്: തുടര്‍ന്ന് താലം, ചെണ്ടമേളം, കാവടി, പഞ്ചവാദ്യം എന്നിവയുടെ അകമ്പടിയോടെ തിരിച്ചെഴുന്നള്ളിപ്പ്. രാത്രി 10 ന് ആറാട്ട് വിളക്കോടെ തിരുവുത്സവത്തിന് പരിസമാപ്തിയാകും.