ജാലിയന്‍ വാലാബാഗ് രക്തസാക്ഷികളെ അനുസ്മരിച്ച് പ്രധാനമന്ത്രി

ന്യൂഡല്‍ഹി: ജാലിയന്‍വാല ബാഗ് കൂട്ടക്കൊലയില്‍ രക്തസാക്ഷിത്വം വരിച്ചവരെ അനുസ്മരിച്ച് പ്രധാനമന്ത്രി. അവരുടെ ത്യാഗത്തിന്റെ സ്മരണകള്‍ വികസിതവും ശക്തവുമായ രാജ്യം സൃഷ്ടിക്കാനുള്ള നമ്മുടെ ശ്രമങ്ങള്‍ക്ക് ഊര്‍ജം പകരുകയും അതിനായി കൂടുതല്‍ കഠിനാധ്വാനത്തോടെ പ്രവര്‍ത്തിക്കുവാന്‍ നമ്മെ പ്രചോദിപ്പിക്കുകയും ചെയ്യുമെന്നും പ്രധാനമന്ത്രി ട്വീറ്ററില്‍ കുറിച്ചു.

I recall the sacrifices of all those martyred on this day in Jallianwala Bagh. Their great sacrifice inspires us to work even harder to fulfil the dreams of our great freedom fighters and build a strong and developed India.

— Narendra Modi (@narendramodi) April 13, 2023

ജാലിയന്‍ വാലാബാഗ് രക്തസാക്ഷികളായ എല്ലാവരുടെയും ത്യാഗങ്ങള്‍ താന്‍ അനുസ്മരിക്കുന്നതായി പ്രധാനമന്ത്രി സമൂഹമാദ്ധ്യമത്തില്‍ പങ്കുവെച്ച കുറിപ്പില്‍ പറയുന്നത്. മഹത്തായ സ്വാതന്ത്ര്യ സമര സേനാനികളുടെ സ്വപ്നങ്ങള്‍ സാക്ഷാത്കരിക്കാനും ശക്തവും വികസിതവുമായ ഇന്ത്യ കെട്ടിപ്പടുക്കാനും കൂടുതല്‍ കഠിനാധ്വാനം ചെയ്യാന്‍ അവരുടെ മഹത്തായ ത്യാഗം നമ്മളെ പ്രചോദിപ്പിക്കുന്നുവെന്നും അദ്ദേഹം കുറിപ്പില്‍ പറഞ്ഞു.