ന്യൂഡല്ഹി: ദേശീയ മാധ്യമ ദിനത്തില് മാധ്യമ പ്രവര്ത്തകരെ അഭിനന്ദിച്ച് കേന്ദ്ര ആഭ്യന്തരമന്ത്രി അമിത് ഷാ. മാധ്യമ സ്വാതന്ത്ര്യത്തില് മോദി സര്ക്കാര് പ്രതിജ്ഞാബദ്ധമാണെന്നും മാധ്യമപ്രവര്ത്തകരെ ഇല്ലാതാക്കുന്നതിനെതിരെ ശക്തമായി നിലകൊള്ളുന്നുവെന്നും അദ്ദേഹം പറഞ്ഞു. ട്വിറ്ററിലൂടെയാണ് അമിത് ഷാ ആശംസകള് നേര്ന്നത്.
കൊറോണക്കാലത്ത് മാധ്യമങ്ങള് നിര്വ്വഹിച്ച പങ്കിനെ അഭിനന്ദിക്കുന്നു. മഹത്തായ നമ്മുടെ രാഷ്ട്രത്തിന്റെ അടിത്തറ ശക്തിപ്പെടുത്തുന്നതായി മാധ്യമങ്ങള് രാപകല് പ്രവര്ത്തിക്കുന്നുവെന്നും അമിത് ഷാ ട്വീറ്റ് ചെയ്തു. സ്വാതന്ത്ര്യവും ഉത്തരവാദിത്വ പൂര്ണവുമായ മാധ്യമ പ്രവര്ത്തനത്തിന്റെ പ്രതീകമായാണ് മാധ്യമ ദിനം ആഘോഷിക്കുന്നത്. വാര്ത്താ മാധ്യമങ്ങള് സ്വയം നിയന്ത്രിക്കാനുള്ള സംവിധാനമാണ് ആദ്യം നടപ്പാക്കേണ്ടതെന്ന് കേന്ദ്ര വാര്ത്താവിതരണ പ്രക്ഷേപണവകുപ്പ് മന്ത്രി പ്രകാശ് ജാവദേക്കര് പറഞ്ഞിരുന്നു.
Discussion about this post