ന്യൂഡല്‍ഹി: ഒന്നാം ക്ലാസ് പ്രവേശനത്തിന് ആറ് വയസ് നിര്‍ബന്ധമാക്കിയ കേന്ദ്ര സര്‍ക്കാര്‍ ഉത്തരവ് കര്‍ശനമായി നടപ്പാക്കാന്‍ സംസ്ഥാനങ്ങള്‍ക്ക് നിര്‍ദേശം. കേന്ദ്ര വിദ്യാഭ്യാസ മന്ത്രാലയമാണ് നിര്‍ദേശം നല്‍കിയത്.
കേരളം ഉള്‍പ്പെടെയുള്ള പല സംസ്ഥാനങ്ങളും ഉത്തരവ് നടപ്പാക്കാത്ത സാഹചര്യത്തിലാണ് കേന്ദ്ര നീക്കം. 2020ല്‍ നടപ്പാക്കിയ ദേശീയ വിദ്യാഭ്യാസ നയമനുസരിച്ച് മൂന്നു വയസുമുതല്‍ ആറ് വയസുവരെ പ്രീപ്രൈമറി വിദ്യാഭ്യാസവും ആറാം വയസില്‍ ഒന്നാം ക്ലാസ് പ്രവേശനം എന്ന രീതിയിലാണ് ക്രമീകരിച്ചിട്ടുള്ളത്.
കേരളത്തില്‍ എന്‍സിആര്‍ടി സിലബസ് പിന്തുടരുന്ന കേന്ദ്രീയ വിദ്യാലയങ്ങള്‍ മാത്രമാണ് നിലവില്‍ ഈ ഉത്തരവ് നടപ്പാക്കിയിട്ടുള്ളത്. സംസ്ഥാന സിലബസ് പിന്തുടരുന്ന സര്‍ക്കാര്‍-എയ്ഡഡ് സ്‌കൂളുകളില്‍ അഞ്ച് വയസില്‍ തന്നെ പ്രവേശനം ലഭിക്കും.
അടുത്ത അധ്യായന വര്‍ഷത്തേയ്ക്കുള്ള പ്രവേശന നടപടികള്‍ പല സ്‌കൂളുകളിലും ആരംഭിച്ച സാഹചര്യത്തിലാണ് കേന്ദ്ര നിര്‍ദേശം.
Discussion about this post