ചവറ: പുത്തന് കോവില് ശാസ്തമംഗലം ക്ഷേത്രത്തിലെ സപ്താഹയജ്ഞത്തോടനുബന്ധിച്ചുളള രുക്മിണി സ്വയംവരം ഭക്തി സാന്ദ്രമായി നടന്നു. യജ്ഞപൗരാണികരായ പരിമണം ബാബുക്കുട്ടന്,വിലങ്ങറ മണികണ്ഠന്, കൊട്ടിയം സുനില്, നൂറനാട് ജയന്, വളളികുന്നം രധാകൃഷ്ണന് എന്നിവര് ഉദ്ധവദൂത് വായിച്ചതിനു ശേഷം രുക്മിണിയേയും തോഴിമാരെയും താലപ്പൊലി,വായ്ക്കുരവ, വാദ്യമേളങ്ങള് എന്നിവയുടെ അകമ്പടിയോടെ യജ്ഞശാലയിലേക്കാനയിച്ചു.
തുടര്ന്ന് യജ്ഞാചാര്യന് സതീഷ്ചന്ദ്രന്മുട്ടത്തറയുടെ മുഖ്യ കാര്മികത്വത്തില് സ്വയംവരച്ചടങ്ങുകള് നടന്നു. യജ്ഞഹോതാക്കളായ പുലിമുഖം ജഗന്നാഥശര്മ്മ, പ്രമോദ് സൗഗന്ധികം എന്നിവര് സഹകാര്മ്മികരായി.
നിരവധി ഭക്തര് സ്വയംവരത്തിലും തുടര്ന്നു നടന്ന സ്വയംവര സദ്യയിലും പങ്കെടുത്തു. യജ്ഞദിനങ്ങളില് യജ്ഞശാലയില് വിശേഷാലര്ച്ചനകള് നടക്കും. ഇന്ന് അവഭൃഥസ്നാന ഘോഷയാത്രയോടെ യജ്ഞം സമാപിക്കും.
Discussion about this post