പത്തനംതിട്ട: ചക്കുളത്തുകാവ് പൊങ്കാലയുടെ നടത്തിപ്പുമായി ബന്ധപ്പെട്ട് വിവിധ വകുപ്പുകള് നടത്തേണ്ട ക്രമീകരണങ്ങളെക്കുറിച്ച് ജില്ലാ കളക്ടര് ആര്.ഗിരിജയുടെ അധ്യക്ഷതയില് നടന്ന യോഗം വിലയിരുത്തി.
പോലീസ്, കെ.എസ്.ആര്.ടി.സി, വൈദ്യുതി, ആരോഗ്യം, തദ്ദേശസ്വയംഭരണം, പൊതുമരാമത്ത്, എക്സൈസ്, റവന്യു വകുപ്പുകള്, ഫയര്ഫോഴ്സ്, വാട്ടര് അതോറിറ്റി എന്നിവയുടെ ക്രമീകരണങ്ങളാണ് ചര്ച്ച ചെയ്തത്. പൊങ്കാലയ്ക്കെത്തുന്നവര് പ്ലാസ്റ്റിക്കും, പേപ്പര് ഗ്ലാസുകളും ഉപയോഗിക്കുന്നില്ലെന്ന് ഉറപ്പുവരുത്തണമെന്ന് ജില്ലാ കളക്ടര് പറഞ്ഞു. ട്രാഫിക് ക്രമീകരണങ്ങള്ക്കു പുറമേ ശക്തമായ സുരക്ഷ പോലീസ് ഉറപ്പാക്കും. തിരുവല്ല ആര്.ഡി.ഒയുടെ നേതൃത്വത്തില് ഒന്പതിന് വീണ്ടും യോഗം ചേരും. ഫയര്ഫോഴ്സിന്റെ നേതൃത്വത്തില് രണ്ട് യൂണിറ്റ് പ്രവര്ത്തിക്കും. തിരുവല്ല, നെടുമ്പ്രം, ചാത്തങ്കരി ആശുപത്രികളില് സജ്ജീകരണമൊരുക്കും. ആംബുലന്സ് സേവനവുമുണ്ടാവും. പൊങ്കാല വഴികളിലെ കാടുകള് വെട്ടിത്തെളിക്കും. തടസമില്ലാത്ത വൈദ്യുതി കെ.എസ്.ഇ.ബി ഉറപ്പുവരുത്തും. കെ.എസ്.ആര്.ടി.സി പ്രത്യേക സര്വീസ് നടത്തും. തലവടിയില് താല്ക്കാലിക ബസ് സ്റ്റേഷന് പ്രവര്ത്തിക്കും.
തിരുവല്ല ആര്.ഡി.ഒയുടെ ചുമതലയുള്ള ഡെപ്യുട്ടി കളക്ടര് ശാന്തി എലിസബത്ത് തോമസ്, ദുരന്ത നിവാരണം ഡെപ്യുട്ടി കളക്ടര് ജി.ബാബു, ക്ഷേത്രം ഭാരവാഹികള്, വിവിധ വകുപ്പുതല ഉദ്യോഗസ്ഥര് എന്നിവര് യോഗത്തില് പങ്കെടുത്തു.
Discussion about this post