തിരുവനന്തപുരം: പെരുങ്കടവിള ശ്രീ ബാലഭദ്രക്ഷേത്രത്തിന്റെ വാര്ഷിക മഹോത്സവത്തിന്റെ ഭാഗമായി സംഘടിപ്പിച്ച സാംസ്കാരിക സമ്മേളനം ചേങ്കോട്ടുകോണം ശ്രീരാമദാസ ആശ്രമം അദ്ധ്യക്ഷന് ബ്രഹ്മശ്രീ സ്വാമി ബ്രഹ്മപാദാനന്ദ സരസ്വതി തൃപ്പാദങ്ങള് ഭദ്രദീപം തെളിച്ച് ഉദ്ഘാടനം ചെയ്തു. 
ജഗദ്ഗുരു സ്വാമി സത്യാനന്ദ സരസ്വതി തൃപ്പാദങ്ങളുടെ ഛായാചിത്രം ക്ഷേത്രം കാര്യാലയത്തില് സ്വാമി ബ്രഹ്മപാദാനന്ദ സരസ്വതി തൃപ്പാദങ്ങള് അനാച്ഛാദനം ചെയ്തു.
സമ്മേളനത്തില് ക്ഷേത്രം ട്രസ്റ്റ് ഏര്പ്പെടുത്തിയ ശ്രീ ബാലഭദ്രപുരസ്കാരം നിംസ് മെഡിസിറ്റി മാനേജിംഗ് ഡയറക്ടര് എം.എസ്.ഫൈസല്ഖാന് സ്വാമി ബ്രഹ്മപാദാനന്ദ സരസ്വതി തൃപ്പാദങ്ങളില് നിന്നും ഏറ്റുവാങ്ങി. മുന് അഡീഷണല് ചീഫ് സെക്രട്ടറി ജെ.ലളിതാംബിക ഐഎഎസ്, നിംസ് മെഡിസിറ്റി ജനറല് മാനേജര് ഡോ.സജു, എന്.എസ്.എസ് നെയ്യാറ്റിന്കര താലൂക്ക് യൂണിയന് അംഗം ആര്.ദാമോദരന് നായര്, ക്ഷേത്രം ട്രസ്റ്റ് ജോ.സെക്രട്ടറി എസ്.ഹരി, സെക്രട്ടറി വി.അരുണ് തുടങ്ങിയവര് സംസാരിച്ചു.
