ദേശീയം

ഐ.പി.എല്‍ നാലാം സീസണിലെ താരലേലത്തില്‍ കന്നി അങ്കത്തിനിറങ്ങുന്ന കൊച്ചി ടീം മഹേല ജയവര്‍ദ്ധന, വി.വി.എസ്‌ ലക്ഷ്‌മണ്‍, മലയാളി താരം എസ്‌.ശ്രീശാന്ത്‌ എന്നിവരെ സ്വന്തമാക്കി.

ബിജെപി ദേശീയ നിര്‍വാഹക സമിതി യോഗം ഗുവാഹത്തിയില്‍ ആരംഭിച്ചു.

പ്രവാസി ഇന്ത്യക്കാരുടെ വോട്ടവകാശത്തിനുള്ള ചട്ടങ്ങളുടെ കരടുരേഖ തയാറായെന്നു പ്രധാനമന്ത്രി ഡോ.മന്‍മോഹന്‍ സിങ്‌. വിദേശരാജ്യങ്ങളില്‍ ഇന്ത്യക്കാര്‍ക്കായി ക്ഷേമനിധി രൂപീകരിക്കും.

പാക്കിസ്‌ഥാനില്‍ നടക്കുന്ന മുംബൈ ആക്രമണക്കേസിന്റെ വിചാരണയില്‍ ഇന്ത്യയ്‌ക്കു തൃപ്‌തിയില്ലെന്ന്‌ പ്രധാനമന്ത്രി മന്‍മോഹന്‍ സിങ്‌. താജ്‌ ഹോട്ടലില്‍ ഇന്‍ഫോസിസ്‌ സംഘടിപ്പിച്ച പരിപാടിയില്‍ സംസാരിക്കുകയായിരുന്നു അദ്ദേഹം.

2ജി സ്‌പെക്‌ട്രം അഴിമതി കേസില്‍ മുന്‍ കേന്ദ്ര ടെലികോം മന്ത്രി എ.രാജയെ പ്രതിചേര്‍ക്കണമെന്നു ഡല്‍ഹി സിബിഐ കോടതി. രാജയ്‌ക്കെതിരെ പ്രഥമ ദൃഷ്‌ട്യാ കേസുണ്ടെന്നും കോടതി പറഞ്ഞു.

ആരുഷി കൊലക്കേസില്‍ പിതാവ്‌ രാജേഷ്‌ തല്‍വാര്‍ കുറ്റക്കാരനല്ലെന്നു കോടതി.

കോമണ്‍വെല്‍ത്ത്‌ ഗെയിംസ്‌ അഴിമതിയുമായി ബന്ധപ്പെട്ടു നാലാമത്‌ ഒരു എഫ്‌ഐആര്‍ കൂടി സിബിഐ റജിസ്‌റ്റര്‍ ചെയ്‌തു. കേസ്‌ അന്വേഷണത്തിന്റെ ഭാഗമായി പത്തിടങ്ങളില്‍ സിബിഐ ഇന്നു റെയ്‌ഡ്‌ നടത്തിയിരുന്നു.

കേരളത്തില്‍ വഴിയോരത്തു പൊതുയോഗം നടത്തരുതെന്ന ഹൈക്കോടതി വിധി സുപ്രീംകോടതി ശരിവച്ചു.