ദേശീയം

ഉള്ളിവില കുതിച്ചുയര്‍ന്നതോടെ രാജ്യത്തിന്റെ ഉത്തരമേഖല ഭക്ഷ്യപ്രതിസന്ധിയിലേക്ക്‌.

എന്‍ഡോസള്‍ഫാന്‍ പ്രശ്‌നത്തെക്കുറിച്ചു പഠിക്കാന്‍ കേന്ദ്ര സര്‍ക്കാര്‍ പുതിയ വിദഗ്‌ധ സമിതിയെ രൂപീകരിക്കും.

പാനായിക്കുളം സിമി ക്യാംപ്‌ പ്രതികളെ പ്രോസിക്യൂട്ടു ചെയ്യാന്‍ കേന്ദ്ര ആഭ്യന്തര മന്ത്രാലയം അനുമതി നല്‍കി.

അഴിമതിയില്‍നിന്നും ശ്രദ്ധ തിരിക്കാനുള്ള നീക്കങ്ങള്‍ അവസാനിപ്പിച്ച്‌ രാജ്യത്തെ അഴിമതിമുക്തമാക്കാനാണ്‌ പ്രധാനമന്ത്രി പ്രവര്‍ത്തിക്കേണ്ടതെന്ന്‌ ബിജെപി ആവശ്യപ്പെട്ടു.

മുല്ലപ്പെരിയാര്‍ അണക്കെട്ടു നേരില്‍ കണ്ടു വിലയിരുത്തുന്നതിനായി ജസ്‌റ്റിസ്‌ എ.എസ്‌.ആനന്ദിന്റെ അധ്യക്ഷതയിലുളള ഉന്നതാധികാര സമിതി ചെന്നൈയിലെത്തി.

നിരാഹാരസമരം തുടരുന്ന തെലുങ്കു ദേശം പാര്‍ട്ടി പ്രസിഡന്റ്‌ ചന്ദ്രബാബു നായിഡുവിനെ ആരോഗ്യനില വഷളായതിനെ തുടര്‍ന്ന്‌ ആശുപത്രിയില്‍ പ്രവേശിപ്പിച്ചു.

2ജി സ്‌പെക്‌ട്രം അഴിമതി കേസില്‍ ആരോപണ വിധേയനായ മുന്‍ കേന്ദ്രമന്ത്രി എ.രാജയ്‌ക്കു ചോദ്യം ചെയ്യലിനു ഹാജരാകണമെന്ന്‌ ആവശ്യപ്പെട്ടുകൊണ്ട്‌ സിബിഐ നോട്ടീസ്‌ നല്‍കി.

2ജി സ്‌പെക്ട്രം അഴിമതികേസില്‍ തനിക്ക്‌ യാതൊന്നും മറച്ചുവെയ്‌ക്കാനൊന്നുമില്ലെന്നും കേസുമായി ബന്ധപ്പെട്ട്‌ പബ്ലിക്‌ എക്കൗണ്ട്‌സ്‌ കമ്മറ്റിക്കുമുന്നില്‍ ഹാജരാകാന്‍ തയ്യാറാണെന്നും പ്രധാനമന്ത്രി ഡോ.മന്‍മോഹന്‍ സിങ്‌ പറഞ്ഞു.

2011ല്‍ നടക്കുന്ന ലോകകപ്പ്‌ക്രിക്കറ്റിനുള്ള 30 അംഗ ഇന്ത്യന്‍ സാദ്ധ്യതാ ടീമിനെ ബി.സി.സി.ഐ പ്രഖ്യാപിച്ചു.

മുംബൈ ഭീകരാക്രമണ കേസിലെ പ്രതി ഡേവിഡ്‌ കോള്‍മാന്‍ ഹെഡ്‌ലിയെ ചോദ്യം ചെയ്യാന്‍ ഇന്ത്യക്കു വിട്ടു കിട്ടണമെന്ന്‌ കേന്ദ്ര ആഭ്യന്തര മന്ത്രി പി.ചിദംബരം ആവശ്യപ്പെട്ടതായി വിക്കിലീക്‌സ്‌ രേഖ.