രാഷ്ട്രാന്തരീയം

അമേരിക്കന്‍ പ്രസിഡന്റ് ട്രംപിന്റെ ഉത്തരവിന് കോടതി സ്റ്റേ. അഭയാര്‍ഥികളെ വിലക്കിയ പ്രസിഡന്‍റിന്‍റെ ഉത്തരവിനാണ് ബ്രൂക്ലിന്‍ ഫെഡറല്‍ കോടതി വിലക്കേര്‍പ്പെടുത്തിയത്.

ബോട്ട് മുങ്ങി 184 പേര്‍ മരിച്ചു. ലിബിയയില്‍നിന്നു കുടിയേറ്റക്കാരുമായി പോയ ഇരുനില തടി ബോട്ടാണ് ശനിയാഴ്ച മെഡിറ്ററേനിയന്‍ കടലില്‍ മുങ്ങിയത്. നാലു പേരെ രക്ഷപ്പെടുത്തി.

ബോര്‍ണോയുടെ തലസ്ഥാനമായ മൈദുഗുരി പ്രവിശ്യയില്‍ വ്യോമസേന ലക്ഷ്യം തെറ്റി ബോബിട്ടതിനെ തുടര്‍ന്ന് നൂറിലധികം അഭയാര്‍ത്ഥികള്‍ കൊല്ലപ്പെട്ടു. ആക്രമണത്തില്‍ റെഡ് ക്രോസിന്റെ സന്നദ്ധ പ്രവര്‍ത്തകരും ഡോക്ടര്‍മാരുമടക്കം ഒട്ടേറെപ്പേര്‍ക്ക് പരുക്കേറ്റു.

ചന്ദ്രനില്‍ കാലുകുത്തിയ അവസാന ബഹിരാകാശ സഞ്ചാരി ജിന്‍ സെര്‍നാന്‍ (82) അന്തരിച്ചു. വാര്‍ധക്യ സഹജമായ അസുഖങ്ങളെ തുടര്‍ന്ന് ഇന്നലെ രാത്രിയിലാണ് അന്ത്യം.

പാകിസ്ഥാന്‍ ആണവമിസൈല്‍ പരീക്ഷിച്ചു. ബാബര്‍ 3 എന്ന മിസൈല്‍ ഇന്ത്യന്‍ മഹാസമുദ്രത്തില്‍ മുങ്ങിക്കപ്പലില്‍ നിന്നാണ് പരീക്ഷണം നടത്തിയത്. വെളളത്തിനടിയില്‍ നിന്നു തൊടുക്കാവുന്ന ആദ്യത്തെ മിസൈലാണ് പാകിസ്ഥാന്‍ പരീക്ഷിച്ചത്.

ജയിലിനുള്ളില്‍ തടവുകാര്‍ തമ്മിലുണ്ടായ ഏറ്റുമുട്ടലില്‍ 60 പേര്‍ കൊല്ലപ്പെട്ടു. ബ്രസീലിലെ മനൗസിലെ ജയിലിലാണ് ഏറ്റുമുട്ടല്‍ നടന്നത്. മയക്കുമരുന്ന് കടത്ത് സംഘങ്ങള്‍ തമ്മിലാണ് ഏറ്റുമുട്ടിയത്.

ഇറാക്ക് ഭീകരര്‍ നടത്തിയ ചാവേര്‍ ആക്രമണത്തില്‍ 17 പേര്‍ കൊല്ലപ്പെട്ടു. തലസ്ഥാനമായ ബാഗ്ദാദിലെ സദര്‍ സിറ്റിയില്‍ വ്യാപാരകേന്ദ്രത്തിലാണ് ചാവേര്‍ പൊട്ടിത്തെറിച്ചത്.

വാഷിംഗ്ടണിലെ നാഷണല്‍ ഹാര്‍ബറില്‍ നടന്ന മത്സരത്തില്‍ 2016ലെ ലോകസുന്ദരിയായി പ്യൂര്‍ട്ടോറികോയുടെ സ്റ്റെഫൈന്‍ ഡെല്‍ വാലേ തെരഞ്ഞെടുക്കപ്പെട്ടു.

കൊളംബിയയില്‍ വിമാനം തകര്‍ന്ന് 76 പേര്‍ മരിച്ചു. ബൊളീവിയയില്‍ നിന്നും കൊളംബിയയിലേക്ക് വരികയായിരുന്ന ചാര്‍ട്ടേര്‍ഡ് വിമാനമാണ് അപകടത്തില്‍പ്പെട്ടത്. രക്ഷാപ്രവര്‍ത്തനം പുരോഗമിക്കുന്നു.

തെക്ക്പടിഞ്ഞാറന്‍ ചൈനയിലെ സ്വകാര്യ കല്‍ക്കരി ഖനിയിലാണ് അപകടം നടന്നത്. അപകടം നടക്കുമ്പോള്‍ മുപ്പത്തിയഞ്ചു തൊഴിലാളികളാണ് ഖനിയിലുണ്ടായിരുന്നത്. രണ്ടുപേര്‍ രക്ഷപ്പെട്ടു.