കേരളം

ഗണേശോത്സവട്രസ്റ്റ് കമ്മിറ്റിയുടെ ആഭിമുഖ്യത്തില്‍ ആഗസ്റ്റ് 27 മുതല്‍ സെപ്റ്റംബര്‍ 4 വരെ നടക്കുന്ന ഗണേശോത്സവത്തിനായി നിര്‍മ്മാണം പൂര്‍ത്തിയാക്കിയ ഗണേശവിഗ്രഹങ്ങളുടെ മിഴിതുറക്കല്‍ ചടങ്ങ് ഗവര്‍ണര്‍ ഷീലാദീക്ഷിത് ഉദ്ഘാടനം ചെയ്തു.

സ്വര്‍ണ വില കുറഞ്ഞു. ഗ്രാമിന് 30 രൂപയും പവന് 240 രൂപയുമാണ് കുറഞ്ഞത്. ഗ്രാമിന് 2,625 രൂപയും പവന് 21,000 രൂപയുമാണ് വില.

സംസ്ഥാനത്ത്‌ പൊലീസ്‌ യൂണിവേഴ്‌സിറ്റി സ്ഥാപിക്കാന്‍ സര്‍ക്കാര്‍ തയ്യാറെടുക്കുകയാണെന്നും ഇത്‌ ഏഷ്യയിലെ ഏറ്റവും വലിയ പൊലീസ്‌ യൂണിവേഴ്‌സിറ്റി ആയിരിക്കുമെന്നും മന്ത്രി രമേശ്‌ ചെന്നിത്തല. തുടര്‍ പഠനം, ഗവേഷണം എന്നിവയ്‌ക്കുളള...

ആറന്മുള വിമാനത്താവള പദ്ധതിക്ക് എന്‍ഒസി ഉണ്ടെന്ന കെജിഎസ് ഗ്രൂപ്പിന്റെ വാദം അടിസ്ഥാനരഹിതം. പദ്ധതിക്ക് തത്വത്തിലുള്ള അംഗീകാരം മാത്രമാണ് സര്‍ക്കാര്‍ നല്‍കിയിരുന്നത്. ഇതിനെ എന്‍ഒസിയായി കമ്പിനി വ്യാഖ്യാനിക്കുകയായിരുന്നു.

കേരള കലാമണ്‌ഡലം കല്‌പിത സര്‍വകലാശാലയുടെ കര്‍ണാടകസംഗീതം പഠനക്കളരി തിരുവനന്തപുരത്ത് പ്രവര്‍ത്തനമാരംഭിച്ചു. കലാമണ്‌ഡലം സംസ്ഥാനത്ത്‌ ആരംഭിക്കുന്ന അഞ്ച്‌ കലാസ്വാദനപഠനക്കളരികളില്‍ ഒന്നാണ്‌ തിരുവനന്തപുരത്തേത്.

ഭക്ഷണത്തില്‍ മായം ചേര്‍ക്കുന്നവര്‍ക്കെതിരെ ഒരു വിട്ടുവീഴ്ചയും പാടില്ലെന്ന് ആഭ്യന്തരമന്ത്രി രമേശ് ചെന്നിത്തല. സുരക്ഷിതാഹാരം ആരോഗ്യത്തിനാധാരം പദ്ധതിയുടെ സംസ്ഥാനതല ഉദ്ഘാടനം തിരുവനന്തപുരത്ത് നിര്‍വ്വഹിക്കുകയായിരുന്നു അദ്ദേഹം.

കേരളം എത്രയും വേഗം സമ്പൂര്‍ണ മദ്യനിരോധനം ഏര്‍പ്പെടുത്തണമെന്ന് കെപിസിസി പ്രസിഡന്റ് വി.എം.സുധീരന്‍. 418 ബാറുകള്‍ പൂട്ടിയതോടെ കേരളത്തിലെ സാമൂഹിക അന്തരീക്ഷത്തില്‍ വലിയ മാറ്റമാണ് ഉണ്ടായിട്ടുള്ളത്. കുറ്റകൃത്യങ്ങള്‍ കുറഞ്ഞു.

പ്ളസ്ടു വിഷയത്തില്‍ കോടതി നടപടി ശരിയായില്ലെന്ന് മന്ത്രി സഭായോഗത്തില്‍ വിമര്‍ശനമുയര്‍ന്നു. മന്ത്രി സഭാ ഉപസമിതി നല്‍കിയത് ശിപാര്‍ശ മാത്രമാണ്. അന്തിമ തീരുമാനം എടുത്തത് മന്ത്രി സഭയാണ്.

വാറ്റ് നിയമത്തിന്റെ പേരില്‍ സര്‍ക്കാര്‍ വ്യാപാരികളെ ബുദ്ധിമുട്ടിക്കുകയാണെന്നാരോപിച്ച് കേരള വ്യാപാരി വ്യവസായി ഏകോപന സമിതി സംസ്ഥാന വ്യാപകമായി നടത്തുന്ന കടയടപ്പ് സമരം ബുധനാഴ്ച നടക്കും.

അഴിമതി മൂലം ജനങ്ങള്‍ക്ക്‌ ജനാധിപത്യത്തിലുള്ള വിശ്വാസം നഷ്‌ടപ്പെടുകയാണെന്നും ഇതിനെ നേരിടാന്‍ തെരഞ്ഞെടുപ്പ്‌ സംവിധാനത്തിലെ പരിഷ്‌കരണമടക്കമുളള നടപടികളെക്കുറിച്ച്‌ ആലോചിക്കണമെന്നും ആഭ്യന്തരമന്ത്രി രമേശ്‌ ചെന്നിത്തല പറഞ്ഞു.