ലോക്പാല്‍ ബില്ല് പാസാക്കുന്നതുമായി ബന്ധപ്പെട്ട് പ്രധാനമന്ത്രി മന്മോഹന്‍ സിങ് വിളിച്ചുചേര്‍ത്തയോഗത്തില്‍ സമവായത്തിലെത്താനായില്ല. സര്‍ക്കാരുമായി സഹകരിക്കുന്ന എന്‍.ജി.ഒകള്‍, കോര്‍പ്പറേറ്റുകള്‍ എന്നിവക്കെതിരെയുള്ള അഴിമതി ആരോപണങ്ങള്‍ ലോക്പാലിന്റെ പരിധിയില്‍ കൊണ്ടുവരണമെന്ന് പ്രതിപക്ഷകക്ഷികള്‍ യോഗത്തില്‍ ആവശ്യപ്പെട്ടു.

Continue reading ലോക്പാല്‍ ബില്‍: പ്രധാനമന്ത്രി വിളിച്ചുചേര്‍ത്തയോഗത്തില്‍ സമവായമായില്ല

കോല്‍ക്കത്തയിലെ എസ്എസ്കെഎം ആശുപത്രിയുടെ അത്യാഹിത വിഭാഗത്തിലുണ്ടായ തീപിടുത്തം രോഗികളെ പരിഭ്രാന്തിയിലാഴ്ത്തി. എസിയില്‍ നിന്നുണ്ടായ സ്പാര്‍ക്കിംഗ് ആണ് തീപിടുത്തത്തിന് കാരണമെന്നാണ് പ്രാഥമിക നിഗമനം. രോഗികളില്‍ ആര്‍ക്കും പരിക്കേറ്റിട്ടില്ല. രോഗികളെ സുരക്ഷിതരായി പുറത്തെത്തിച്ചതായി അഗ്നിശമനസേന അറിയിച്ചു.

Continue reading കൊല്‍ക്കത്തയില്‍ എസ്.എസ്.കെ.എം ആശുപത്രിയുടെ അത്യാഹിത വിഭാഗത്തില്‍ തീപിടുത്തം

ആദായനികുതി പരിധി പ്രതിവര്‍ഷം രണ്ടുലക്ഷം രൂപയാക്കി ഉയര്‍ത്തി. രണ്ടു ലക്ഷം രൂപ വരെ വാര്‍ഷിക വരുമാനമുള്ളവരെ ആദായനികുതിയില്‍ നിന്ന് ഒഴിവാക്കി. നേരത്തെ ഇത് 1.8 ലക്ഷം രൂപയായിരുന്നു. രണ്ടു ലക്ഷം രൂപ മുതല്‍ അഞ്ചു ലക്ഷം രൂപ വരെ 10% ആദായനികുതി നല്‍കണം. അഞ്ചു ലക്ഷം രൂപ മുതല്‍ പത്തു ലക്ഷം രൂപ വരെ 20% ആദായനികുതിയും പത്തു ലക്ഷം രൂപയ്ക്കു മുകളില്‍ 30% ആദായനികുതിയും നല്‍കണം. ആദായനികുതിയുടെ പരിധി മൂന്നു ലക്ഷം രൂപയാക്കണമെന്നായിരുന്നു പാര്‍ലമെന്റ് സമിതിയുടെ ശുപാര്‍ശ.

Continue reading ആദായനികുതി പരിധി പ്രതിവര്‍ഷം രണ്ടുലക്ഷം രൂപയാക്കി

റിസര്‍വ് ബാങ്ക് പലിശനിരക്ക് കുറച്ചില്ല. പണപ്പെരുപ്പ ആശങ്ക തുടരുന്നതുകൊണ്ടാണു കരുതലോടെയുള്ള ഈ തീരുമാനം. ഇന്നലെ പാദാര്‍ധ പണനയ അവലോകനത്തിലാണ് ഈ തീരുമാനം. പണപ്പെരുപ്പം ഇരട്ടയക്കത്തില്‍നിന്നു താഴോട്ടു പോന്നതിനാല്‍ പലിശകുറയ്ക്കുമെന്നു പൊതുവേ പ്രതീക്ഷിച്ചിരുന്നു.

Continue reading റിസര്‍വ് ബാങ്ക് പലിശനിരക്ക് കുറച്ചില്ല

ഉത്തര്‍പ്രദേശില്‍ 33ാമത്തെ മുഖ്യമന്ത്രിയായി സമാജ്‌വാദി പാര്‍ട്ടി നേതാവ് അഖിലേഷ് യാദവ് സത്യപ്രതിജ്ഞ ചെയ്തു. ഉത്തര്‍പ്രദേശ് നിയമസഭാ ചരിത്രത്തിലെ ഏറ്റവും പ്രായം കുറഞ്ഞ മുഖ്യമന്ത്രിയാണ് അഖിലേഷ് യാദവ്. ഗവര്‍ണര്‍ ബി.എല്‍ ജോഷി സത്യവാചകം ചൊല്ലിക്കൊടുത്തു. 19 ക്യാബിനറ്റ് മന്ത്രിമാരും 29 സഹമന്ത്രിമാരും അദ്ദേഹത്തോടൊപ്പം സത്യപ്രതിജ്ഞ ചെയ്തു.

Continue reading അഖിലേഷ് യാദവ് അധികാരമേറ്റു

റെയില്‍വെ മന്ത്രി ദിനേഷ് ത്രിവേദി രാജിവച്ചിട്ടില്ലെന്ന് ധനമന്ത്രി പ്രണബ് മുഖര്‍ജി ലോക്‌സഭയെ അറിയിച്ചു. ദിനേഷ് ത്രിവേദി രാജിവച്ചുവെന്ന മാധ്യമ റിപ്പോര്‍ട്ടുകള്‍ പ്രതിപക്ഷം സഭയില്‍ ഉന്നയിച്ചുപ്പോഴാണ് പ്രണബ് മുഖര്‍ജി വിശദീകരണം നല്‍കിയത്. വിഷയത്തില്‍ പ്രതിപക്ഷ നേതാവ് സുഷമ സ്വരാജ് അടിയന്തര പ്രമേയത്തിന് നോട്ടീസ് നല്‍കിയിരുന്നു.

Continue reading ദിനേഷ് ത്രിവേദി രാജിവച്ചിട്ടില്ല: പ്രണബ് മുഖര്‍ജി

കഴിഞ്ഞ മൂന്ന് വര്‍ഷത്തിനിടെ 700-ലധികം പാക്കിസ്ഥാനികള്‍ ഇന്ത്യന്‍ പൌരത്വം നേടി. കേന്ദ്ര ആഭ്യന്തര സഹമന്ത്രി മുല്ലപ്പള്ളി രാമചന്ദ്രന്‍ ലോക്സഭയില്‍ അറിയിച്ചതാണിത്. 2009-ല്‍ 321 പേര്‍ക്കാണ് ഇന്ത്യന്‍ പൌരത്വം നല്‍കിയത്. 2010-ല്‍ ഇത് 150 ആയി കുറഞ്ഞു. എന്നാല്‍ 2011-ല്‍ 300 പാക്കിസ്ഥാനികള്‍ക്ക് ഇന്ത്യന്‍ പൌരത്വം ലഭിച്ചു.

Continue reading 700 പാക്കിസ്ഥാനികള്‍ക്ക് ഇന്ത്യന്‍ പൌരത്വം

ബാംഗ്ലൂരില്‍ ഉണ്ടായ വാഹനാപകടത്തില്‍ കോഴിക്കോട് സ്വദേശികളായ അഞ്ചുപേര്‍ മരിച്ചു. ചെന്നൈയിലെ സ്വകാര്യ കമ്പനിയില്‍ ജോലിചെയ്യുന്ന വി. രാജേഷ് (28), ഭാര്യ ആരതി (26), ഇവരുടെ ഒന്നര വയസുള്ള കുട്ടി ആര്‍. അഘ്‌ന, ബന്ധു ഉമാദേവി (53) മകള്‍ എസ് ദിവ്യ (27) എന്നിവരാണ് മരിച്ചത്.

Continue reading ബാംഗ്ലൂരില്‍ വാഹനാപകടം: അഞ്ച് മലയാളികള്‍ മരിച്ചു