കേരളം

മകരവിളക്ക് മഹോത്സവത്തിനായി ഇന്നലെ ശബരിമല നട തുറന്നു. ഇന്നലെ വൈകുന്നേരം തന്ത്രി കണ്ഠര് രജീവര്, മേല്‍ശാന്തി ഇ.എന്‍. കൃഷ്ണദാസ് നമ്പൂതിരി എന്നിവര്‍ ചേര്‍ന്നാണു നട തുറന്നത്.

കുറ്റകൃത്യങ്ങളും അഴിമതി ഉള്‍പ്പെടെയുള്ള സാമൂഹ്യ വിപത്തുകളെക്കുറിച്ചുള്ള വിവരങ്ങളും ഇനി മുതല്‍ ആഭ്യന്തരമന്ത്രിയെ നേരിട്ട് അറിയിക്കാം. ഇതിനായി ആഭ്യന്തരമന്ത്രി രമേശ് ചെന്നിത്തലയുടെ പേരില്‍ ആന്‍ഡ്രോയിഡ് മൊബൈല്‍ ആപ്ലിക്കേഷന്‍ പുറത്തിറങ്ങി.

തദ്ദേശസ്വയംഭരണ സ്ഥാപനങ്ങളിലേയ്ക്കുള്ള ഉപതിരഞ്ഞെടുപ്പിന് തിരഞ്ഞെടുപ്പ് കമ്മീഷന്‍ വിജ്ഞാപനം പുറപ്പെടുവിച്ചു. മുനിസിപ്പാലിറ്റിയിലെ ഒന്നും, ബ്ലോക്ക് പഞ്ചായത്തുകളിലെ രണ്ടും ഗ്രാമപഞ്ചായത്തുകളിലെ ഏഴും വാര്‍ഡുകളിലേയ്ക്കാണ് ഉപതിരഞ്ഞെടുപ്പ് നടക്കുക.

ചലച്ചിത്ര സംവിധായകന്‍ മധു കൈതപ്രം (45) അന്തരിച്ചു. ഹൃദ്രോഗബാധയെത്തുടര്‍ന്ന് കോഴിക്കോട്ടെ സ്വകാര്യ ആശുപത്രിയില്‍ തിങ്കളാഴ്ച രാത്രി 10.30ഓടെയായിരുന്നു അന്ത്യം. ഏറെനാളായി പ്രമേഹത്തിനും ചികിത്സയിലായിരുന്നു.

തിരുവൈരാണിക്കുളം മഹാദേവ ക്ഷേത്രത്തിലെ ശ്രീപാര്‍വതിയുടെ നടതുറപ്പ് മഹോത്സവം ജനവരി നാല് മുതല്‍ 15 വരെ നടക്കുമെന്ന് ഭാരവാഹികള്‍ അറിയിച്ചു.

82-ാമത് ശിവഗിരി തീര്‍ത്ഥാടനത്തിന് ചൊവ്വാഴ്ച തുടക്കമാകും. ചൊവ്വാഴ്ച രാവിലെ 7.30ന് ശ്രീനാരായണ ധര്‍മ്മസംഘം ട്രസ്റ്റ് പ്രസിഡന്റ് സ്വാമി പ്രകാശാനന്ദ ധര്‍മ്മപതാക ഉയര്‍ത്തുന്നതോടെ തീര്‍ത്ഥാടനം ആരംഭിക്കും.

സന്നിധാനത്തേക്ക് ജീപ്പില്‍ എത്തിയ സംഭവത്തില്‍ കല്‍പ്പറ്റ സിഐ അടക്കം നാല് പേരെ അന്വേഷനണ വിധേയമായി സസ്‌പെന്‍ഡ് ചെയ്തു. സിഐ സുഭാഷ് ബാബുവിനും മറ്റ് മൂന്ന് പേര്‍ക്കെതിരേയുമാണ് നടപടി.

ചലച്ചിത്ര നടനും ഫോട്ടോഗ്രാഫറുമായിരുന്ന എന്‍.എല്‍ ബാലകൃഷ്ണന്‍ (72) അന്തരിച്ചു. തിരുവനന്തപുരം മെഡിക്കല്‍ കോളേജിലായിരുന്നു അന്ത്യം സംഭവിച്ചത്. അര്‍ബുദരോഗബാധിതനായി ദീര്‍ഘകാലം ചികിത്സയിലായിരുന്നു.

അരവണ വിതരണത്തിനുള്ള നിയന്ത്രണം ശബരിമലയില്‍ നീക്കി. ഇന്നു മുതല്‍ തീര്‍ഥാടകര്‍ക്ക് ആവശ്യം അനുസരിച്ചുള്ള അരവണ വിതരണം ചെയ്യുമെന്ന് ദേവസ്വം ബോര്‍ഡ് അറിയിച്ചു.

കരിപ്പൂര്‍ വിമാനത്താവളത്തില്‍ രണ്ടു കസ്റ്റംസ് ഉദ്യോഗസ്ഥരെ സിബിഐ അറസ്റ്റ് ചെയ്തു. ശത്രുഘ്‌നന്‍ കുമാര്‍, സുരേഷ് എന്നിവരാണ് അറസ്റ്റിലായത്. യാത്രക്കാരില്‍ നിന്നും കൈക്കൂലി വാങ്ങിയതിനാണ് ഇവര്‍ പിടിയിലായത്.