ദേശീയം

ഭാരതം ഇന്ന് കാര്‍ഗില്‍ വിജയദിന സ്മരണയില്‍. പാകിസ്ഥാന്‍ ഇന്ത്യന്‍ അതിര്‍ത്തിയില്‍ നടത്തിയ ആക്രമണത്തിന് കനത്ത പ്രഹരം നല്കി ഇന്ത്യന്‍ സൈന്യം മറുപടികൊടുത്തിട്ട് ഇന്നേക്ക് 18 വര്‍ഷം തികയുന്നു.

ഭാരതത്തിന്റെ രാഷ്ട്രപതിയായി ചുമതലയേറ്റ രാംനാഥ് കോവിന്ദിന്റെ സത്യപ്രതിജ്ഞയും അനുബന്ധ ചടങ്ങുകളും പരമ്പരാഗത രീതിയിലാണ് നടന്നത്.

ബഹിരാകാശ ശാസ്ത്രജ്ഞനും ഐഎസ്ആര്‍ഒ ചെയര്‍മാനുമായിരുന്ന യു.ആര്‍. റാവു(85) അന്തരിച്ചു. തിങ്കളാഴ്ച പുലര്‍ച്ചെ 2.30ന് ബംഗളൂരുവിലെ വസതിയിലായിരുന്നു അന്ത്യം. 1984 മുതല്‍ 1994 വരെ അദ്ദേഹം ഐഎസ്ആര്‍ഒ ചെയര്‍മാനായിരുന്നു.

ഹിമാചല്‍ തലസ്ഥാനമായ ഷിംലയില്‍ ബസ്സ് കൊക്കയിലേക്ക് മറിഞ്ഞ് മുപ്പതു പേര്‍ മരിച്ചു. രാവിലെ 9.15 ഓടെയായിരുന്നു അപകടം. സോളാനില്‍നിന്ന് കിന്നൗറിലേക്ക് പോവുകയായിരുന്ന സ്വകാര്യ ബസാണ് അപകടത്തില്‍പ്പെട്ടത്.

കേന്ദ്ര നഗരവികസന വകുപ്പ് മന്ത്രി വെങ്കയ്യ നായിഡുവിനെ എന്‍ ഡി എ ഉപരാഷ്ട്രപതി സ്ഥാനാര്‍ത്ഥിയായി പ്രഖ്യാപിച്ചു. ഇന്നലെ നടന്ന ബിജെപി പാര്‍ലമെന്ററി ബോര്‍ഡ് മീറ്റിംഗിലാണ് തീരുമാനം ഉണ്ടായത്.

കാഷ്മീരില്‍ അമര്‍നാഥ് തീര്‍ഥാടകര്‍ക്കു നേര്‍ക്കുണ്ടായ ഭീകരാക്രമണത്തില്‍ കൊല്ലപ്പെട്ടവരുടെ എണ്ണം എട്ടായി. പരിക്കേറ്റ് ചികിത്സയിലായിരുന്ന ലളിതാ ബെന്‍ (47) ആണ് ഇന്നു മരിച്ചത്.

ഇന്ത്യന്‍ വാനശാസ്ത്രജ്ഞര്‍ പുതിയ ക്ഷീരപഥം കണ്ടെത്തി. പൂനൈയിലെ ഇന്റെര്‍ യൂണിവേഴ്‌സിറ്റി സെന്റര്‍ ഫോര്‍ ആസ്റ്ററോണോമി ആന്റ് ആസ്‌ട്രോഫിസിക്‌സിലെ ശാസ്ത്രജ്ഞര്‍ കണ്ടെത്തിയ ക്ഷീരപഥത്തിന് സരസ്വതിയെന്ന് പേരിട്ടു.

ജമ്മു കശ്മീരില്‍ ഏറ്റുമുട്ടലില്‍ സൈന്യം മൂന്ന് ഭീകരരെ വധിച്ചു. ബഡ്ഗാം മേഖലയിലായിരുന്നു ഏറ്റുമുട്ടല്‍. ഇവിടെ നിന്ന് ആയുധങ്ങളും പിടിച്ചെടുത്തിട്ടുണ്ട്. പ്രദേശത്ത് കൂടുതല്‍ ഭീകരര്‍ക്കായി തെരച്ചില്‍ തുടരുകയാണ്.

നെഹ്‌റു ഗ്രൂപ്പ് ചെയര്‍മാന്‍ പി. കൃഷ്ണദാസിനു കേരളത്തില്‍ പ്രവേശിക്കുന്നതിനു സുപ്രീം കോടതിയുടെ വിലക്ക്. കോയമ്പത്തൂരില്‍ത്തന്നെ തുടരണമെന്നു വ്യക്തമാക്കിയ കോടതി, ഇവിടെനിന്നു പുറത്തുപോകാന്‍ പാടില്ലെന്നും നിര്‍ദേശിച്ചു.

റിസര്‍വ് ബാങ്ക് ഓഫ് ഇന്ത്യ 200 രൂപയുടെ നോട്ടുകള്‍ പുറത്തിറക്കുന്നു. ഇതിനായുള്ള പ്രിന്റിംഗ് ഓര്‍ഡര്‍ തയാറായെന്ന് ആര്‍ബിഐ അധികൃതര്‍ അറിയിച്ചു. കൂടുതല്‍ 50 രൂപ നോട്ടുകളും പുറത്തിറക്കാന്‍...