ദേശീയം

സബ്‌സിഡിയില്ലാത്ത പാചകവാതകം, മണ്ണെണ്ണ, വിമാന ഇന്ധനം എന്നിവയുടെ വില കേന്ദ്ര സര്‍ക്കാര്‍ വര്‍ധിപ്പിച്ചു. പാചകവാതകത്തിനു സിലിണ്ടറിന് 20 രൂപയോളമാണു വര്‍ധിപ്പിച്ചത്.

9,000 കോടിയോളം രൂപ വിവിധ ബാങ്കുകളില്‍ നിന്ന് വായ്പയെടുത്തിരുന്ന വിജയ് മല്യ തിരിച്ചടയ്ക്കാനാകാതിരുന്നതിനെ തുടര്‍ന്ന് രാജ്യംവിട്ടിരുന്നു. ഇതേത്തുടര്‍ന്ന് ഇന്ത്യയില്‍ മല്യക്കെതിരേ ജാമ്യമില്ലാ വാറന്റ് നിലവിലുണ്ട്.

ഉത്തരാഖണ്ഡില്‍ കോടതിയുടെ മേല്‍നോട്ടത്തില്‍ വിശ്വാസവോട്ടെടുപ്പ് നടക്കുന്നതിനെക്കുറിച്ച് കേന്ദ്രസര്‍ക്കാര്‍ ആലോചിക്കണമെന്ന് സുപ്രീംകോടതി.

ഉത്തര്‍പ്രദേശിലെ ഗര്‍മുക്‌ടേശ്വരിന് സമീപം ഡല്‍ഹി-ഫൈസാബാദ് എക്‌സ്പ്രസ്സ് പാളംതെറ്റി. ട്രെയിനിന്റെ എട്ടു കോച്ചുകളാണ് പാളം തെറ്റിയത്.

പെട്രോളും ഡീസലും ഇന്ധനമായുപയോഗിക്കുന്ന ടാക്‌സി വാഹനങ്ങള്ക്ക്‍ സി.എന്‍.ജി യിലേക്ക് മാറാനുള്ള കലാവധി അവസാനിച്ചതോടെ ഡല്‍ഹിയില്‍ നാളെ മുതല്‍ ഇത്തരം വാഹനങ്ങള്‍ റോഡില്‍ ഇറക്കാന്‍ സാധിക്കില്ല.

വടക്കന്‍ കാഷ്മീരിലെ കുപ്‌വാര ജില്ലയില്‍ മുസ്‌ലിം പള്ളിയില്‍ ഒളിച്ച ഭീകരനെ സൈന്യം വെടിവച്ച് കൊന്നു. പള്ളിയില്‍നിന്ന് രക്ഷപെടാന്‍ ശ്രമിക്കുന്നതിനിടെ സൈന്യത്തിന്റെ വെടിയേറ്റ് മരിക്കുകയായിരുന്നു.

തമിഴ്‌നാട് നിയമസഭാ തെരഞ്ഞെടുപ്പില്‍ മത്സരിക്കുന്ന മുഖ്യമന്ത്രി ജയലളിതയും മുന്‍ മുഖ്യമന്ത്രി എം.കരുണാനിധിയും നാമനിര്‍ദ്ദേശ പത്രിക സമര്‍പ്പിച്ചു.

രാജ്യസഭാംഗമായി തിരഞ്ഞെടുക്കപ്പെട്ട ജനതാദള്‍ (യു) സംസ്ഥാന അധ്യക്ഷന്‍ എം.പി വീരേന്ദ്രകുമാര്‍ സത്യപ്രതിജ്ഞ ചെയ്തു.

നിതീഷ് കുമാറിനെ ജനതാദള്‍ (യു) ദേശീയാധ്യക്ഷനായി തിരഞ്ഞെടുത്തു. ദേശീയ നിര്‍വാഹകസമിതിയോഗത്തില്‍ ശരത് യാദവാണ് അധ്യക്ഷസ്ഥാനത്തേക്ക് നിതീഷിനെ നിര്‍ദേശിച്ചത്.

ബി.എസ്.യെദ്യൂരിയപ്പ ബി.ജെ.പി കര്‍ണാടക ഘടകം അധ്യക്ഷനായി ചുമതലയേറ്റു. മുന്‍ മുഖ്യമന്ത്രിയും മുതിര്‍ന്ന ബി.ജെ.പി നേതാവുമായ യെദ്യൂരിയപ്പ പാര്‍ട്ടി വൈസ് പ്രസിഡന്റായി പ്രവര്‍ത്തിച്ചു വരികയായിരുന്നു.