ഭക്ഷണസാധനങ്ങള്ക്ക് അമിതമായി വില വര്ധിപ്പിച്ചിട്ടുള്ള ഹോട്ടലുകള്ക്കും റസ്റ്റോറന്റുകള്ക്കുമെതിരെ കര്ശന നടപടികള് സ്വീകരിക്കുമെന്ന് ഭക്ഷ്യ പൊതുവിതരണ മന്ത്രി പി.തിലോത്തമന് പറഞ്ഞു.
കേരള ഹൈക്കോടതിയുടെ പുതിയ ചീഫ് ജസ്റ്റിസായി ജസ്റ്റിസ് നവനീതി പ്രസാദ് സിംഗ് സത്യപ്രതിജ്ഞ ചൊല്ലി ചുമതലയേറ്റു. രാജ്ഭവനില് നടന്ന ചടങ്ങില് ഗവര്ണര് പി. സദാശിവം സത്യവാചകം ചൊല്ലിക്കൊടുത്തു.
ജയിലുകളിലെ സൗകര്യങ്ങള് കഴിയുന്നത്ര വര്ധിപ്പിക്കണമെന്നാണ് സര്ക്കാരിന്റെ നിലപാടെന്ന് മുഖ്യമന്ത്രി. കുറ്റം ചെയ്തു എന്നതുകൊണ്ട് ആരും സമൂഹത്തിന് വേണ്ടാത്തവരാകുന്നില്ലെന്നും അദ്ദേഹം പറഞ്ഞു.
അരുവിക്കര മുതല് തിരുവനന്തപുരം വരെയുള്ള 12 കിലോമീറ്റര് പൈപ്പ് ലൈന് ഗ്രേറ്റ് വേ പദ്ധതിയും പരിഗണനയിലാണ്.ആസൂത്രണ ബോര്ഡ് ഉള്പ്പെടെയുള്ള വിവിധ സമിതികളിലെ ചര്ച്ചകള് നടന്നുവരുന്നു.
നെഹ്രു കോളജ് ചെയര്മാന് പി.കൃഷ്ണദാസിനെ തൃശൂര് റൂറല് എസ്പിയുടെ നേതൃത്വത്തിലുള്ള പോലീസ് കസ്റ്റഡിയിലെടുത്തു. ലക്കിടിയിലെ കോളജില് വിദ്യാര്ഥിയെ മര്ദ്ദിച്ച കേസിലാണ് ഇയാളെ കസ്റ്റഡിയിലെടുത്തത്.
ലിംഗസമത്വത്തെക്കുറിച്ചും ബാലാവകാശ സംരക്ഷണത്തെക്കുറിച്ചും ബോധവത്കരണത്തിന് സ്റ്റുഡന്റ് പോലീസ് കേഡറ്റുകള് പ്രത്യേക താത്പര്യമെടുക്കണമെന്ന് ഗവര്ണര് പി. സദാശിവം അഭിപ്രായപ്പെട്ടു.
ദീര്ഘനാളുകളായി വിവിധ സര്ക്കാര് ആശുപത്രികളുടെ മോര്ച്ചറികളില് സൂക്ഷിച്ചിരിക്കുന്ന മൃതദേഹങ്ങള് സംസ്കരിക്കുന്നതിന് ആവശ്യമായ നടപടി സ്വീകരിക്കുമെന്ന് ആരോഗ്യ വകുപ്പ് മന്ത്രി.
തിരുവനന്തപുരം മൃഗശാലയില് ജലപക്ഷികള്ക്ക് സ്വതന്ത്രമായി വിഹരിക്കാന് തയ്യാറാക്കിയ അക്വാട്ടിക് ഏവിയറിയും നീര്നായകള്ക്ക് വേണ്ടി നിര്മിച്ച പരിബന്ധനവും മന്ത്രി കെ.രാജു ഉദ്ഘാടനം ചെയ്തു.
സര്ക്കാര് ജീവനക്കാര്ക്ക് നല്കുന്ന സംസ്ഥാനതല ഭരണഭാഷാ പുരസകാരങ്ങളുടെ തുക വര്ധിപ്പിച്ചു. ഒന്നാം സമ്മാനം 20,000 രൂപയായി നിലനിര്ത്തികൊണ്ട്, രണ്ടാം സമ്മാനം 5,000 രൂപയില് നിന്ന് 10,000 രൂപയായി...
