കേരളം

വിവിധ സര്‍ക്കാര്‍ ഓഫീസുകളില്‍ ലഭിക്കുന്ന പണം ഇട്രഷറിയുമായി ബന്ധിക്കപ്പെട്ട ഒന്‍പത് ബാങ്കുകളുടെ എല്ലാ ശാഖകളിലൂടെയും സ്വീകരിക്കാന്‍ ധനവകുപ്പ് അനുമതി നല്‍കി.

ഭഗവത് ഗീത മാനവസമൂഹം പഠന വിഷയമാക്കണമെന്നും ഇതിലൂടെ പുതുതലമുറയെ നന്മയിലേക്ക് നയിക്കാന്‍ കഴിയുമെന്നും ചിന്മയാമിഷന്‍ ട്രസ്റ്റ് കേരള മേധാവി സ്വാമി വിവിക്തനന്ദസരസ്വതി.

മില്‍മ പാലിന് വില വര്‍ദ്ധിപ്പിച്ചു. ഒരു ലിറ്റര്‍ പാലിന് നാലു രൂപ വീതമാണ് വില വര്‍ദ്ധിപ്പിച്ചിട്ടുളളത്. വര്‍ദ്ധിപ്പിക്കുന്ന തുകയില്‍ നിന്ന് 3രൂപ35 പൈസ കര്‍ഷകര്‍ക്കു നല്‍കാനാണ് തീരുമാനം.

ആലുവ ശിവരാത്രിദിനത്തില്‍ മണപ്പുറത്ത് പ്ലാസ്റ്റിക് നിരോധനം ഏര്‍പ്പെടുത്തി. 24 ന് നടക്കുന്ന ശിവരാത്രിയോടനുബന്ധിച്ച് വിവിധ വകുപ്പ് അദ്ധ്യക്ഷന്‍മാരുടെ അവലോകന യോഗത്തിലാണ് തീരുമാനം.

ശ്രീരാമനവമി മഹോത്സവത്തിന്റെ സ്വാഗതസംഘരൂപീകരണയോഗം എസ്ആര്‍ഡിഎംയൂഎസ് അദ്ധ്യക്ഷന്‍ സ്വാമി സത്യാനന്ദതീര്‍ത്ഥപാദരുടെ അദ്ധ്യക്ഷതയില്‍ നടന്നു.

വിവാദത്തിലായ തിരുവനന്തപുരം ലോ അക്കാദമിയിലെ പ്രിന്‍സിപ്പാള്‍ തസ്തികയിലേക്ക് അപേക്ഷ ക്ഷണിച്ചു കൊണ്ട് പരസ്യം. ഇന്നത്തെ വര്‍ത്തമാനപ്പത്രങ്ങളിലാണ് പരസ്യം പ്രത്യക്ഷപ്പെട്ടിട്ടുളളത്.

കേരള പൊലീസിന്റെ വിവിധ ഡിജിറ്റല്‍ പദ്ധതികളുടെ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വ്വഹിച്ചു. ജനസൗഹൃദമായ പ്രവര്‍ത്തന ശൈലിയിലേക്ക് പൊലീസ് പൂര്‍ണ്ണമായി മാറണമെന്ന് മുഖ്യമന്ത്രി പറഞ്ഞു.

സംസ്ഥാനത്തിന്റെ വജ്രജൂബിലിയോടനുബന്ധിച്ച് കേരളത്തിന്റെ സാംസ്‌കാരിക പൈതൃകവും സംഭവബഹുലമായ ചരിത്രവും വരച്ചുകാട്ടുന്ന ഡോക്യുമെന്ററികള്‍ പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തില്‍ നിര്‍മ്മിക്കുന്നു.

കാര്‍ഷികമേഖലയില്‍ കൃഷിക്കാര്‍ക്ക് ലഭിക്കേണ്ട ആനുകൂല്യങ്ങള്‍ അവര്‍ക്കുതന്നെ ലഭിക്കണമെന്ന് കൃഷിവകുപ്പ് മന്ത്രി അഡ്വ. വി എസ് സുനില്‍കുമാര്‍ പറഞ്ഞു.

പരിസ്ഥിതി സാക്ഷരതയ്ക്ക് ഏറ്റവും പ്രാധാന്യം നല്‍കേണ്ട കാലഘട്ടത്തിലൂടെയാണ് നാം കടന്നുപോകുന്നതെന്ന് ജലവിഭവ മന്ത്രി മാത്യു ടി.തോമസ് പറഞ്ഞു.