കേരളം

ലോകത്തെമ്പാടുമുള്ള മലയാളികള്‍ക്ക് മലയാളം പുതുവര്‍ഷമായ ചിങ്ങം ഒന്നിന് ഗവര്‍ണ്ണര്‍ ജസ്റ്റീസ് പി. സദാശിവം പുതുവല്‍സരാശംസകള്‍ നേര്‍ന്നു.

ബിജെപി പ്രവര്‍ത്തകന്‍ അഭിലാഷ് കൊല്ലപ്പെട്ട കേസില്‍ കുറ്റക്കാരെന്ന് കണ്‌ടെത്തിയ അഞ്ച് പ്രതികള്‍ക്ക് ഇരിങ്ങാലക്കുട അഡീഷണല്‍ ജില്ലാ കോടതി ജീവപര്യന്തം ശിക്ഷ വിധിച്ചു.

നേത്രാവതി എക്‌സ്പ്രസിലെ ജനറല്‍ കംപാര്‍ട്ട്‌മെന്റിന് യാത്രക്കാരന്‍ തീവച്ചു. ഉച്ചയ്ക്ക് 11.45 ഓടെ കായംകുളം റെയില്‍വേ സ്റ്റേഷനില്‍ വച്ച് തമിഴ്‌നാട് സ്വദേശി അനസ് എന്നയാളാണ് ട്രെയിനിനു തീവച്ചത്.

ലീഗല്‍ മെട്രോളജി വകുപ്പ് തിരുവനന്തപുരം ജില്ലയിലെ വസ്ത്ര വ്യാപാര സ്ഥാപനങ്ങളിലും, ഹോം അപ്ലയന്‍സസ് വ്യാപാര സ്ഥാപനങ്ങളിലും പരിശോധന നടത്തി. നിയമലംഘനങ്ങള്‍ കണ്ടെത്തിയ 13 കേസുകള്‍ രജിസ്റ്റര്‍ ചെയ്തു.

നെല്ലുല്പാദന മേഖലയ്ക്ക് പ്രാധാന്യം നല്‍കുന്നതിന്റെ ഭാഗായി 2016 ഓണം മുതല്‍ 2017 ഓണം വരെയുളള കാലയളവ് കേരളത്തില്‍ നെല്‍ വര്‍ഷമായി ആചരിക്കുവാന്‍ സര്‍ക്കാര്‍ തീരുമാനിച്ചു.

ഈ വര്‍ഷത്തെ സ്വാതന്ത്ര്യദിനാഘോഷങ്ങള്‍ ആഗസ്റ്റ് 15 ന് രാവിലെ 8.30ന് തിരുവനന്തപുരം സെന്‍ട്രല്‍ സ്റ്റേഡിയത്തില്‍ മുഖ്യമന്ത്രി പിണറായി വിജയന്‍ ദേശീയ പതാക ഉയര്‍ത്തുന്നതോടെ ആരംഭിക്കും.

സാങ്കേതിക മുന്നേറ്റത്തിനൊപ്പം മനുഷ്യത്വപരമായ വീക്ഷണത്തിനും പ്രാധാന്യം നല്‍കണമെന്ന് ഗവര്‍ണ്ണര്‍. മനുഷ്യത്വമില്ലാത്ത വികസനവും പുരോഗതിയും സമൂഹത്തില്‍ അസമത്വം സൃഷ്ടിക്കുമെന്നും അദ്ദേഹം പറഞ്ഞു.

ഉദ്യോഗസ്ഥര്‍ ജനങ്ങളുടെ പക്ഷത്തു നിന്ന് അവരുടെ താല്പര്യങ്ങള്‍ കണക്കിലെടുത്തുകൊണ്ടുളള പ്രവര്‍ത്തനമാണ് കാഴ്ചവയ്‌ക്കേണ്ടതെന്ന് റവന്യൂ മന്ത്രി ഇ.ചന്ദ്രശേഖരന്‍.

തീരദേശ സംരക്ഷണവും പരിപാലനവും അതീവപ്രാധാന്യമര്‍ഹിക്കുന്നതാണെങ്കിലും അവിടെ താമസിക്കുന്ന ജനങ്ങളുടെ ദുരിതപൂര്‍ണമായ ജീവിതത്തിന് അവസാനം കാണേണ്ടതുണ്ടെന്ന് മുഖ്യമന്ത്രി പറഞ്ഞു.

ഭരണ മാധ്യമം മാതൃഭാഷയായ മലയാളത്തിലാണെന്ന് അതത് വകുപ്പധ്യക്ഷന്‍മാര്‍ ഉറപ്പുവരുത്തേണ്ടതും ഇതിലേക്കുള്ള നടപടികള്‍ അടിയന്തര പ്രാധാന്യത്തോടെ സ്വീകരിക്കേണ്ടതുമാണെന്ന് സര്‍ക്കാര്‍ നിര്‍ദ്ദേശിച്ചു.