ദേശീയം

പനിയും നിര്‍ജലികരണവും മൂലം ചെന്നൈ അപ്പോളോ ആശുപത്രിയില്‍ പ്രവേശിപ്പിച്ച ജയലളിതയുടെ ആരോഗ്യനിലയില്‍ പുരോഗതി ഉള്ളതായി എഐഎഡിഎംകെ വക്താവ് പന്റുട്ടി എസ്. രാമചന്ദ്രന്‍ അറിയിച്ചു.

കേരളത്തിലെ സഹോദരീ സഹോദരന്മാര്‍ക്ക് കേരളപ്പിറവി ആശംസകള്‍ നേരുന്നുവെന്നും സംസ്ഥാനം പുരോഗതിയുടെ ഉയരങ്ങള്‍ താണ്ടട്ടെയെന്നു പ്രാര്‍ഥിക്കുന്നതായും പ്രധാനമന്ത്രി സന്ദശത്തില്‍ പറഞ്ഞു.

ജയിലില്‍നിന്ന് രക്ഷപ്പെട്ട സിമി ഭീകരര്‍ കൊല്ലപ്പെട്ടു. വാര്‍ഡനെ കഴുത്തറുത്ത് കൊന്നശേഷം ജയില്‍ ചാടിയ ഇവര്‍ ഇത്‌ഖേദി ഗ്രാമത്തില്‍വച്ചു പോലീസുമായുണ്ടായ ഏറ്റുമുട്ടലിലാണ് കൊല്ലപ്പെട്ടത്.

ശ്രീനഗറില്‍ നൗഹാട്ട, ഖന്യാര്‍, സഫകദാല്‍, റെയ്‌നവാരി, മഹാരാജ ഗുഞ്ച്, ബതമാലൂ പ്രദേശങ്ങളില്‍ ഏര്‍പ്പെടുത്തി. വിഘടനവാദികള്‍ പ്രകടനത്തിന് ആഹ്വാനം ചെയ്തതിനാലാണ് കര്‍ഫ്യൂ ഏര്‍പ്പെടുത്തിയത്.

കേന്ദ്ര സര്‍ക്കാര്‍ ജീവനക്കാരുടെ ക്ഷാമബത്ത വര്‍ധിപ്പിച്ചു. രണ്ട്‌ ശതമാനം ഡി എ 2016 ജൂലായ് ഒന്ന് മുതല്‍ മുന്‍കാല പ്രാബല്യത്തോടെയാണ് വര്‍ദ്ധിപ്പിച്ചത്.

സൈന്യത്തിന്റെ കമ്മ്യൂണിക്കേഷന്‍ രംഗത്ത് ഹാക്കര്‍മാരുടെ നുഴഞ്ഞുകയറ്റത്തിനു തടയിട്ടുകൊണ്ട് വ്യോമസേന. സൈന്യത്തിന്റെ സ്വന്തം നെറ്റ് വര്‍ക്കില്‍ ഹാക്കര്‍മാര്‍ നുഴഞ്ഞുകയറുന്നത് തടയാനാണ് പുതിയ നീക്കം.

ടാറ്റാ സണ്‍സിന്റെ ചെയര്‍മാന്‍ സ്ഥാനത്തുനിന്ന് സൈറസ് മിസ്ത്രിയെ മാറ്റി. രത്തന്‍ ടാറ്റയെ താത്കാലിക ചെയര്‍മാനായി നിയമിച്ചു. നാലുമാസത്തിനകം പുതിയ ചെയര്‍മാനെ തിരഞ്ഞെടുക്കും.

ഹൈക്കോടതിയില്‍ പ്രവര്‍ത്തിച്ചിരുന്ന മീഡയ റൂം വീണ്ടും തുറക്കുന്നതില്‍ എതിര്‍പ്പുകളുണ്ടെന്ന് ഹൈക്കോടതി രജിസ്ട്രാര്‍ സുപ്രീം കോടതിയെ അറിയിച്ചു.

ശിവകാശിയിലെ പടക്കനിര്‍മാണ ശാലയിലുണ്ടായ വന്‍ പൊട്ടിതെറിയില്‍ 13 പേര്‍ മരിച്ചു. നിരവധി പേര്‍ക്ക് പരിക്കുണ്ടെന്നാണ് റിപ്പോര്‍ട്ട്. പടക്കനിര്‍മാണ ശാലയില്‍ നിന്നും ലോറിയിലേക്ക് പടക്കങ്ങള്‍ കയറ്റുന്നതിനിടെയാണ് പൊട്ടിതെറിയുണ്ടായതെന്നാണ് വിവരം.

കേന്ദ്രമന്ത്രി സ്മൃതി ഇറാനിക്കെതിരായ കേസ് കോടതി തള്ളി. വിദ്യാഭ്യാസ യോഗ്യത സംബന്ധിച്ച് അഹമ്മദ് ഖാന്‍ എന്നയാളാണ് സ്മൃതി ഇറാനിക്കെതിരെ കോടതിയെ സമീപിച്ചത്.