ദേശീയം

ഇന്ത്യയുടെ ആദ്യ ബഹിരാകാശ ടെലിസ്‌കോപ്പായ ആസ്‌ട്രോസാറ്റ് വിജയകരമായി വിക്ഷേപിച്ചു. ഇതോടെ സ്വന്തമായി ബഹിരാകാശ ടെലിസ്കോപ്പ് വിക്ഷേപിച്ച ബഹിരാകാശ ശക്തിയായി ഇന്ത്യ മാറി.

രാജസ്ഥാനിലെ ജയ്‌സാല്‍മീര്‍ ജില്ലയില്‍ പരിശീലനത്തിന്റെ ഭാഗമായി നടന്ന സൈനികാഭ്യാസത്തിനിടെ ഉദ്യോഗസ്ഥന്‍ വെടിയേറ്റ് മരിച്ചു.

പകല്‍ യാത്രയ്ക്ക് സാധാരണ കൗണ്ടറുകളില്‍നിന്ന് സ്ലീപ്പര്‍ ടിക്കറ്റെടുത്ത് യാത്രചെയ്യാനുള്ള സൗകര്യം റെയില്‍വേ പുനഃസ്ഥാപിച്ചു. ഈ സൗകര്യം നിര്‍ത്തുന്നതായി കാണിച്ച് കഴിഞ്ഞ 16ന് റെയില്‍വേ ഇറക്കിയ ഉത്തരവ് പിന്‍വലിച്ചു.

ബി.സി.സി.ഐ അധ്യക്ഷന്‍ ജഗ്മോഹന്‍ ഡാല്‍മിയ (75) അന്തരിച്ചു. ഹൃദയാഘാതത്തെ തുടര്‍ന്ന് കൊല്‍ക്കത്തയിലെ സ്വകാര്യ ആസ്പത്രിയിലായിരുന്നു അന്ത്യം. വ്യാഴാഴ്ച അദ്ദേഹത്തെ ആന്‍ജിയോപ്ലാസ്റ്റിക്ക് വിധേയനാക്കിയിരുന്നു.

കര്‍ണാടകയില്‍ ട്രെയിന്‍ പാളം തെറ്റി രണ്ടുപേര്‍ മരിച്ചു. എട്ടുപേര്‍ക്കു പരിക്കേറ്റു. ഇന്നലെ പുലര്‍ച്ചെ 2.15ന് കര്‍ണാടകയിലെ ഗുല്‍ബര്‍ഗയ്ക്കു സമീപം മാര്‍ത്തൂര്‍ സ്റ്റേഷനിലായിരുന്നു അപകടം.

പശു, കാള, പോത്ത്, എരുമ തുടങ്ങിയ മൃഗങ്ങളെ കൊല്ലുന്നത് ചില വിഭാഗങ്ങളുടെ മതവികാരങ്ങളെ വ്രണപ്പെടുത്തുന്നുവെന്നു ചൂണ്ടിക്കാട്ടി അഭിഭാഷകനായ പരിമോക്ഷ് സേഥ് നല്‍കിയ പൊതുതാല്‍പര്യ ഹര്‍ജിയെതിത്തുടര്‍ന്നാണ് നിരോധനം.

യെമനില്‍ ഹൊദെയ്ദ തുറമുഖത്തിനടുത്തായി ഇരുപത് ഇന്ത്യക്കാര്‍ കൊല്ലപ്പെട്ടെന്ന വാര്‍ത്ത വിദേശകാര്യമന്ത്രാലയം നിഷേധിച്ചു.

ന്യൂനപക്ഷ അഭയാര്‍ഥികളായി പാകിസ്താനിലും ബംഗ്ലദേശിലും നിന്ന് ഇന്ത്യയില്‍ എത്തിയവര്‍ക്ക് ഇന്ത്യയില്‍ തുടരാന്‍ അനുമതി.

മുല്ലപ്പെരിയാറില്‍ പുതിയ അണക്കെട്ട് നിര്‍മിക്കുന്നതുമായി ബന്ധപ്പെട്ട് പരിസ്ഥിതി ആഘാത പഠനം നടത്താന്‍ കേരളത്തിന് നല്‍കിയ അനുമതി കേന്ദ്ര വനം വന്യജീവി ബോര്‍ഡ് റദ്ദാക്കി.

രാജ്യത്തെ എല്ലാവര്‍ക്കും ജന്മാഷ്ടമി ആശംസകള്‍ നേരുന്നതായി ഉപരാഷ്ട്രപതി ഹമീദ് അന്‍സാരി. ആഘോഷത്തിന്റെ ഈ അവസരത്തില്‍ എല്ലാവര്‍ക്കും നന്മകള്‍ നേരുന്നതായും അദ്ദേഹം അറിയിച്ചു.