കേരളം

കൊച്ചി ഇരുമ്പനം ഐഒസി പ്ലാന്റിലെ തൊഴിലാളികളുടെ പണിമുടക്ക് തുടരുന്നതിനാല്‍ സംസ്ഥാനത്ത് ഇന്ധന പ്രതിസന്ധി രൂക്ഷമാകുന്നു. സമരം മൂന്നാം ദിവസത്തിലേക്കു കടന്നു.

പുതിയ മന്ത്രിയായി എം.എം. മണി സത്യപ്രതിജ്ഞ ചെയ്ത് അധികാരമേറ്റു. രാജ്ഭവന്‍ അങ്കണത്തില്‍ തയാറാക്കിയ വേദിയില്‍ നടന്ന ചടങ്ങില്‍ ഗവര്‍ണര്‍ പി. സദാശിവം സത്യവാചകം ചൊല്ലിക്കൊടുത്തു.

അനാരോഗ്യകരമായ ഭക്ഷണ പദാര്‍ത്ഥങ്ങള്‍ വില്‍പ്പന നടത്തിയതിന് നിലക്കലും പരിസരപ്രദേശങ്ങളിലുമായുള്ള അഞ്ച് ഹോട്ടലുകള്‍ക്കെതിരെ നിലക്കല്‍ എക്‌സിക്യുട്ടീവ് മജിസ്‌ട്രേറ്റിന്റെ നേതൃത്വത്തിലുള്ള സ്‌ക്വാഡ് നടപടിയെടുത്തു.

കണ്ണൂര്‍ മേഖലയിലെ സംഘര്‍ഷങ്ങള്‍ അവസാനിപ്പിക്കാന്‍ കൂടുതല്‍ ഉഭയകക്ഷി ചര്‍ച്ചകള്‍ നടത്താന്‍ മുഖ്യമന്ത്രി പിണറായി വിജയന്റെ അധ്യക്ഷതയില്‍ ചേര്‍ന്ന സര്‍വകക്ഷിയോഗത്തില്‍ തീരുമാനമായി.

കടുത്ത വരള്‍ച്ച അഭിമുഖീകരിക്കേണ്ടി വരുമെന്ന ആശങ്കയിലാണ് സംസ്ഥാനമെന്ന് മുഖ്യമന്ത്രി പിണറായി വിജയന്‍ പറഞ്ഞു. എല്ലാ വീടുകളിലും മഴക്കുഴികള്‍ ഉണ്ടാവണമെന്നും അദ്ദേഹം പറഞ്ഞു.

കേരളത്തില്‍ ഇടവപ്പാതി 34 ശതമാനവും തുലാവര്‍ഷം അറുപത്തിനാലു ശതമാനവും കുറവായിരുന്നു. കേരളം ഏറ്റവും വലിയ ജലക്ഷാമം നേരിടേണ്ടിവരികയാണെന്നാണ് ഇതു സൂചിപ്പിക്കുന്നത്.

ലഹരി മാഫിയക്കെതിരെ നാടും ജനങ്ങളും ഉണര്‍ന്ന് പ്രവര്‍ത്തിക്കണമെന്ന് മുഖ്യമന്ത്രി പിണറായി വിജയന്‍. 'വിമുക്തി' ലഹരി വര്‍ജന മിഷന്‍ സംസ്ഥാനതല ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.

എം.എം. മണിയെ ഉള്‍പ്പെടുത്തി സംസ്ഥാന മന്ത്രിസഭ പുനഃസംഘടിപ്പിക്കാന്‍ തീരുമാനമായി. മന്ത്രിസഭയിലെത്തുന്ന എം.എം. മണിക്കു വൈദ്യുതി വകുപ്പിന്റെ ചുമതലയാണു നല്‍കുക.

ഈ വര്‍ഷം മുതല്‍ മാളികപ്പുറത്തമ്മയെ എഴുന്നള്ളിക്കുന്നത് ജീവതയിലാണ്. ആനയെ ഉപയോഗിക്കുന്നത് പരമാവധി കുറയ്ക്കുക എന്ന ലക്ഷ്യത്തോടെ ദേവസ്വംബോര്‍ഡ് മാളികപ്പുറത്തമ്മയെ എഴുന്നള്ളിക്കുന്നതിനായി ജീവത ഒരുക്കിയത്.

പമ്പ മുതല്‍ സന്നിധാനം വരെയുള്ള പോലീസ് നിരീക്ഷണ ക്യാമറകളിലൂടെയുള്ള ലൈവ് ദൃശ്യങ്ങള്‍ പത്തനംതിട്ട ജില്ലാ കളക്ടര്‍ ആര്‍. ഗിരിജയുടെ ചേംബറിലും ലഭിക്കുന്നതിന് സംവിധാനമൊരുക്കി.