കേരളം

പരിസ്ഥിതി മലിനീകരമില്ലാത്ത ഇന്ധനങ്ങളിലേക്ക് വാഹനങ്ങള്‍ മാറുന്നതിന്റെ ഭാഗമായി എല്‍എന്‍ജി ഉപയോഗിച്ചുള്ള ബസ്സിന്റെയും ഇലക്ടിക് ഓട്ടോയുടെയും പ്രദര്‍ശനഓട്ടം യോഗത്തില്‍ നടത്തും.

കാല്‍നട യാത്രക്കാര്‍ക്കും വാഹനങ്ങള്‍ക്കും വേണ്ടിയുള്ളതാണ് റോഡെന്നും കല്ലും മണ്ണും ആക്രിസാധനങ്ങളും പഴയ വാഹനങ്ങളും ഇടാനുള്ളതല്ലെന്നും പൊതുമരാമത്ത് മന്ത്രി ജി.സുധാകരന്‍.

ശബരിമലയില്‍ പ്ലാസ്റ്റിക് മാലിന്യം ഒഴിവാക്കുന്നതിന് ഗുരുസ്വാമിമാരുടെ സഹായം തേടും. തെക്കേ ഇന്ത്യന്‍ സംസ്ഥാനങ്ങളിലെ ഗുരുസ്വാമിമാരുടെ യോഗം കൊച്ചിയില്‍ നടക്കും.

കേരളപ്പിറവിയുടെ വജ്രജൂബിലി ആഘോഷത്തില്‍ പങ്കെടുപ്പിക്കാത്തതില്‍ സ്പീക്കര്‍ ഗവര്‍ണറോട് ഖേദം പ്രകടിപ്പിച്ചു. ബോധപൂര്‍വം ആഘോഷങ്ങളില്‍നിന്ന് ഒഴിവാക്കിയതല്ല എന്ന് സൂചിപ്പിച്ച് സ്പീക്കര്‍ ഗവര്‍ണര്‍ക്ക് ക്ഷമാപണക്കത്ത് നല്‍കി.

കൊല്ലം ജില്ലയിലെ ജഡായുപാറ ടൂറിസം പദ്ധതിയുടെ നിര്‍മ്മാണം അന്തിമഘട്ടത്തിലേക്ക്. കുടിവെളള പ്രശ്‌നം, പാര്‍ക്കിംഗ് സംവിധാനം, റോഡ് തുടങ്ങിയവയ്ക്ക് അടിയന്തര നടപടികള്‍ സ്വീകരിക്കും.

അന്താരാഷ്ട്ര ചലച്ചിത്രമേളയുടെ ഡെലിഗേറ്റ് രജിസ്‌ട്രേഷന്‍ ഇന്ന് (നവംബര്‍ അഞ്ച്) ആരംഭിക്കുമെന്ന് ചലച്ചിത്ര അക്കാഡമി ചെയര്‍മാന്‍ കമല്‍ അറിയിച്ചു. www.iffk.in എന്ന വെബ്‌സൈറ്റ് വഴി രജിസ്റ്റര്‍ ചെയ്യാം.

സംസ്ഥാനത്തിലേക്കുള്ള വിനോദസഞ്ചാരികളുടെ വരവ് വര്‍ധിക്കണമെങ്കില്‍ ടൂറിസം ഉത്പന്നങ്ങള്‍ പരിചയപ്പെടുത്താനും വിപണന സാധ്യതകള്‍ ഉണ്ടാക്കാനും കഴിയണമെന്ന് മന്ത്രി എ.സി.മൊയ്തീന്‍.

വാളയാര്‍ ചെക്ക് പോസ്റ്റില്‍ ചരക്ക് നീക്കം തടസപ്പെടുന്നെന്നും ഗതാഗത കുരുക്ക് രൂക്ഷമാണെന്നുമുള്ള മാധ്യമ വാര്‍ത്തകള്‍ ശരിയല്ലെന്ന് വാണിജ്യ നികുതി വകുപ്പ് അറിയിച്ചു.

കേന്ദ്ര പൊതുമേഖലാ സ്ഥാപനമായ എച്ച്.ഐ.എല്‍ന്റെ ഉദ്യോഗമണ്ഡല്‍ പ്ലാന്റില്‍ തീപിടിത്തമുണ്ടായ സംഭവം സംബന്ധിച്ച് ഫാക്ടറീസ് ആന്റ് ബോയ്‌ലേഴ്‌സ് ജോയിന്റ് ഡയറക്ടര്‍ പ്രാഥമികാന്വേഷണം നടത്തും.

രാജ്യത്ത് വളര്‍ന്നുവരുന്ന സാമൂഹിക അസമത്വങ്ങള്‍ക്കെതിരെ കണ്ണടച്ചുകൊണ്ട് ജനാധിപത്യത്തെ സംരക്ഷിക്കാനാവില്ലെന്ന് ഡെപ്യൂട്ടി സ്പീക്കര്‍ വി. ശശി അഭിപ്രായപ്പെട്ടു.