കേരളം

കേരളത്തിലെ ഏറ്റവും മൂല്യമുള്ള വള്ളംകളിയാണ് ആറന്മുളയിലേതെന്ന് ജലവിഭവ മന്ത്രി മാത്യു ടി.തോമസ് പറഞ്ഞു. ജലഘോഷയാത്ര ഉദ്ഘാടനം ചെയ്യുകയായിരുന്നു അദ്ദേഹം.

ഗോവിന്ദച്ചാമിയുടെ വധശിക്ഷ റദ്ദാക്കിയ സുപ്രീം കോടതി വിധിക്കെതിരെ സംസ്ഥാന സര്‍ക്കാര്‍ ഉടന്‍ സുപ്രീംകോടതി ബഞ്ചിന് മുന്‍പാകെ റിവ്യൂ ഹര്‍ജി സമര്‍പ്പിക്കുമെന്ന് മന്ത്രി ഏ.കെ.ബാലന്റെ ഓഫീസ് അറിയിച്ചു.

സൗമ്യ വധക്കേസില്‍ സുപ്രീം കോടതിയുടെ വിധി ദൗര്‍ഭാഗ്യകരമാണെന്ന് ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍.

ശബരിമല തീര്‍ത്ഥാടകര്‍ക്ക് വിമാനത്താവളം ആവശ്യമില്ലെന്ന് രാജ്യസഭ എം.പി സുരേഷ് ഗോപി. കല്ലും മുളളും ചവിട്ടി മലകയറണമെന്നാണ് ആചാര ക്രമത്തില്‍ പറഞ്ഞിട്ടുള്ളത്.

ശബരിമലയിലെ പണിമുടക്കില്‍ നിന്ന് ട്രേഡ് യൂണിയനുകള്‍ പിന്മാറണമെന്ന് ബിജെപി സംസ്ഥാന അദ്ധ്യക്ഷന്‍ കുമ്മനം രാജശേഖരന്‍. പരിപാവനമായ ക്ഷേത്രത്തില്‍ സമരം പാടില്ലെന്നും കുമ്മനം പറഞ്ഞു.

സംസ്ഥാനത്തെ വ്യാപാരികളുടെ സംഘടനയായ വ്യാപാരി വ്യവസായി ഏകോപന സമിതിയുടെ രജിസ്‌ട്രേഷന്‍ റദ്ദാക്കി. തൃശൂര്‍ ജില്ലാ രജിസ്ട്രാറാണ് ഇതു സംബന്ധിച്ച ഉത്തരവ് പുറത്തിറക്കിയത്.

സംസ്ഥാനത്തെ എല്ലാ കേന്ദ്ര സര്‍ക്കാര്‍ ജീവനക്കാര്‍ക്കും സപ്തംബറിലെ ശമ്പളം ഓണത്തിനു മുമ്പു നല്‍കും. ഇതുസംബന്ധിച്ച് കേന്ദ്ര ധനകാര്യമന്ത്രാലയം ഉത്തരവിറക്കി.

2015ലെ ജെ. സി. ഡാനിയേല്‍ പുരസ്‌കാരം തിരക്കഥാകൃത്തും സംവിധായകനുമായ കെ ജി ജോര്‍ജിന് സമ്മാനിക്കും. സംസ്ഥാന ചലച്ചിത്ര അവാര്‍ഡ് നിശയില്‍ പുരസ്‌കാരം കൈമാറും.

മോട്ടോര്‍ വാഹന വകുപ്പിന്റെ സേവനങ്ങള്‍ സുതാര്യവും അഴിമതി വിമുക്തവുമാക്കാന്‍ എല്ലാ ഓഫീസുകളും ക്യാമറാ നിരീക്ഷണത്തിലാക്കുമെന്ന് ഗതാഗത മന്ത്രി എ.കെ. ശശീന്ദ്രന്‍.

മലബാര്‍ സിമന്റ്‌സ് മുന്‍ എംഡി കെ.പത്മകുമാറിന് ജാമ്യം അനുവദിച്ചില്ല. പത്മകുമാറിനെ കസ്റ്റഡിയില്‍ വേണമെന്ന വിജിലന്‍സിന്റെ അപേക്ഷ കോടതി അംഗീകരിച്ചു.