കേരളം

പോലീസ് തലപ്പത്തു രണ്ടാമത്തെ വീണ്ടും അഴിച്ചുപണി. ഋഷിരാജ് സിംഗിനെ പുതിയ എക്‌സൈസ് കമ്മീഷണറായി നിയമിച്ചു. ജയില്‍ ഡി.ജി.പി ആയിരുന്നു അദ്ദേഹം.

സ്‌കൂളുകള്‍ പൂട്ടാതിരിക്കാന്‍ സര്‍ക്കാര്‍ എല്ലാം നടപടിയും സ്വീകരിക്കുമെന്ന് വിദ്യാഭ്യാസ മന്ത്രി സി.രവീന്ദ്രനാഥ്. പൊതു വിദ്യാഭ്യാസം സംരക്ഷിക്കാന്‍ സര്‍ക്കാര്‍ ഏതറ്റം വരെയും പോകുമെന്നും മന്ത്രി കൂട്ടിച്ചേര്‍ത്തു.

വികസനത്തിനുവേണ്ടി പരിസ്ഥിതിസംരക്ഷണവും പരിസ്ഥിതിസംരക്ഷണത്തിനു വേണ്ടി വികസനവും വേണ്ടന്ന് വയ്ക്കില്ലെന്ന് മുഖ്യമന്ത്രി പിണറായി വിജയന്‍ പറഞ്ഞു.

കൊച്ചിമെട്രോ റെയില്‍ 2017 മാര്‍ച്ചില്‍ യാഥാര്‍ത്ഥ്യമാകത്തക്ക വിധം നിര്‍മ്മാണ പ്രവര്‍ത്തനങ്ങള്‍ ഊര്‍ജ്ജിതമാക്കാന്‍ മുഖ്യമന്ത്രി പിണറായി വിജയന്‍ നിര്‍ദ്ദേശിച്ചു.

സര്‍ക്കാര്‍ ജീവനക്കാരുടെ പ്രൊവിഡന്റ് ഫണ്ട് നിക്ഷേപത്തിനുള്ള പലിശ കുറച്ചു. 2015-16 ലെ 8.7 ശതമാനത്തില്‍നിന്ന് 8.1 ശതമാനത്തിലേക്കാണു കുറവ്. ഏപ്രില്‍-ജൂണ്‍ ത്രൈമാസത്തെ നിരക്കാണിത്.

ദളിത് നിയമ വിദ്യാര്‍ഥി ജിഷയുടെ വധക്കേസിന്റെ അന്വേഷണം ശരിയായ ദിശയിലാണെന്ന് ഡിജിപി ലോക്‌നാഥ് ബഹ്‌റ. പൂര്‍ണമായ സത്യം കണ്‌ടെത്താന്‍ സമയമെടുക്കുമെന്നും അന്വേഷണം മാജിക്കല്ലെന്നും അദ്ദേഹം പറഞ്ഞു.

കാലാവസ്ഥാ വ്യതിയാനം മൂലം സംസ്ഥാനത്ത് പഴം പച്ചക്കറികള്‍ക്ക് അടുത്തിടെ ഉണ്ടായ വില വര്‍ദ്ധന തടയുന്നതിന് നടപടികളെടുക്കുമെന്ന് കൃഷി മന്ത്രി വി. എസ് സുനില്‍കുമാര്‍ പറഞ്ഞു.

കൊച്ചിയില്‍ നിന്ന് മീന്‍പിടിക്കാന്‍ പോയ ബോട്ടിലെ 19 മത്സ്യത്തൊഴിലാളികളെയാണ് സമുദ്രാതിര്‍ത്തി ലംഘിച്ചു എന്ന കാരണത്താല്‍ ഡിയാഗോ ഗാര്‍സിയയില്‍ വച്ച് ഇംഗ്‌ളണ്ട് നേവി അറസ്റ്റു ചെയ്തത്.

നിയമസഭാ തിരഞ്ഞെടുപ്പിന്റെ ഫലപ്രഖ്യാപന ദിവസം ബി.ജെ.പി. പ്രവര്‍ത്തകന്‍ അടിയേറ്റ് മരിച്ച സംഭവത്തില്‍ നാല് സി.പി.എം. പ്രവര്‍ത്തകര്‍ അറസ്റ്റിലായി. സംഭവത്തിലുള്‍പ്പെട്ട ഒരാള്‍ ഒളിവിലാണ്.

നിയമസഭാ സ്പീക്കര്‍ തെരഞ്ഞെടുപ്പില്‍ ബിജെപി എംഎല്‍എ ഒ. രാജഗോപാല്‍ എല്‍ഡിഎഫ് സ്ഥാനാര്‍ഥി പി. ശ്രീരാമകൃഷ്ണന് വോട്ട് ചെയ്തതില്‍ വിശദീകരണവുമായി ബിജെപി. മനഃസാക്ഷി അനുസരിച്ചാണ് ഒ. രാജഗോപാല്‍ വോട്ട്...