കേരളം

കരമന-കളിയിക്കാവിള നാലുവരിപ്പാത വികസനപദ്ധതിയുടെ, രണ്ടാംഘട്ടമായ പ്രാവച്ചമ്പലംമുതല്‍ വഴിമുക്കുവരെയുള്ള 6.5 കിലോമീറ്റര്‍ ഭാഗത്തെ, പ്രവര്‍ത്തനങ്ങള്‍ക്കായി സര്‍ക്കാര്‍ 160 കോടി രൂപ അനുവദിച്ചു.

പകര്‍ച്ചവ്യാധി നിയന്ത്രണപ്രവര്‍ത്തനങ്ങള്‍ക്ക് സര്‍ക്കാര്‍ ആശുപത്രികളില്‍ 203 ഡോക്ടര്‍മാര്‍, 88 സ്റ്റാഫ് നഴ്‌സുമാര്‍, 86 ഫാര്‍മസിസ്റ്റുകള്‍ എന്നിങ്ങനെ 377 പേരെ മൂന്ന് മാസത്തേക്ക് കരാര്‍ അടിസ്ഥാനത്തില്‍ നിയമിക്കും.

കേരളാ പോലീസിന്റെ റോഡ് സുരക്ഷാ പദ്ധതിയായ 'ശുഭയാത്ര'യുടെ ഭാഗമായി തിരുവനന്തപുരത്ത് കുട്ടികളുടെ ട്രാഫിക്ക് പാര്‍ക്ക് സ്ഥാപിക്കുമെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു.

കോന്നി പെണ്‍കുട്ടികളുടെ ദുരൂഹ മരണം അന്വേഷിക്കുന്നതിനായി അന്വേഷണ സംഘം ബംഗളൂരുവിലേക്ക്. കോന്നി സിഐ ബി.എസ്. സജിമോന്റെ നേതൃത്വത്തിലുള്ള അന്വേഷണ സംഘം ബംഗളൂരുവിലേക്ക് പുറപ്പെട്ടു.

മെട്രോ നിര്‍മ്മാണ തൊഴിലാളികള്‍ കഴിഞ്ഞ രാത്രി മുതല്‍ പ്രഖ്യാപിച്ചിരുന്ന പണിമുടക്ക് അവസാനിപ്പിച്ചു. ശമ്പളം ലഭിച്ചതിനെ തുടര്‍ന്നാണ് തൊഴിലാളികള്‍ പണിമുടക്ക് അവസാനിപ്പിച്ചത്.

ജനകീയ പങ്കാളിത്തത്തോടെ സമയബന്ധിതമായി വിഴിഞ്ഞം പദ്ധതി യാഥാര്‍ത്ഥ്യമാക്കുമെന്ന് മുഖ്യമന്ത്രി ഉമ്മന്‍ചാണ്ടി. തിരുവനന്തപുരത്തും കോഴിക്കോട്ടും ലൈറ്റ് മെട്രോ പദ്ധതിക്ക് തുടക്കം കുറിക്കുമെന്നും അദ്ദേഹം പറഞ്ഞു.

എല്ലാ സ്റ്റേജ് കാര്യേജുകളും വൈകുന്നേരം 6.30 മുതല്‍ രാവിലെ 6 വരെ സ്ത്രീകള്‍ക്ക് അവരാവശ്യപ്പെടുന്ന സ്ഥലത്ത് ഇറങ്ങാന്‍ അനുവദിക്കുകയും അതിനായി വേണ്ടത്ര സമയം നല്‍കുകയും വേണം.

നായ്ക്കളുടെ ശല്യത്തില്‍ നിന്ന് പൊതുജനങ്ങള്‍ക്ക് സംരക്ഷണം നല്‍കാന്‍ തദ്ദേശസ്ഥാപനങ്ങള്‍ സമഗ്രപദ്ധതി തയ്യാറാക്കണമെന്ന് മുഖ്യമന്ത്രി. പേവിഷബാധയുള്ളതും അപകടകാരികളുമായ നായ്ക്കളെ കൊല്ലുന്നതിന് നിയമതടസ്സമില്ല.

തദ്ദേശസ്വയംഭരണസ്ഥാപനങ്ങള്‍ ജനങ്ങളുടെ പ്രതീക്ഷക്കൊത്ത് ഉയര്‍ന്ന് പ്രവര്‍ത്തിക്കണമെന്ന് മുഖ്യമന്ത്രി ഉമ്മന്‍ ചാണ്ടി അഭിപ്രായപ്പെട്ടു.

മുന്‍ ചീഫ് വിപ്പ് പി സി ജോര്‍ജ്ജിനെ നിയമസഭ താക്കീത് ചെയ്തു. ഗൗരിയമ്മയ്‌ക്കെതിരെ നടത്തിയ മോശം പരാമര്‍ശത്തിന്റെ പേരിലാണ് നിയമസഭ പി സി ജോര്‍ജ്ജിനെ താക്കീത് ചെയ്തത്.