കേരളം

സംസ്ഥാന രാഷ്ട്രീയത്തില്‍ വരാന്‍ പോകുന്ന മാറ്റത്തിന്റെ ചൂണ്ടുപലകയാണ് അരുവിക്കര തെരഞ്ഞെടുപ്പ് ഫലമെന്ന് ബിജെപി സംസ്ഥാന അദ്ധ്യക്ഷന്‍ വി. മുരളീധരന്‍.

അരുവിക്കരിയില്‍ യുഡിഎഫ് ജാതിമത ശക്തികളെ വിലയ്‌ക്കെടുത്താണ് വിജയിച്ചതെന്നു സിപിഎം പോളിറ്റ് ബ്യൂറോ അംഗം പിണറായി വിജയന്‍.

എല്ലാ വര്‍ഷവും നവംബറിനകം സംസ്ഥാനത്തെ പ്രധാന റോഡുകളുടെയെല്ലാം അറ്റകുറ്റപ്പണി പൂര്‍ത്തിയാക്കണമെന്ന് ഹൈക്കോടതി. സ്‌പെഷല്‍ കമ്മീഷണര്‍ നല്‍കിയ റിപ്പോര്‍ട്ടിന്‍റെ അ‌ടിസ്ഥാനത്തിലാണ് കോടതിയുടെ ഉത്തരവ്.

സംസ്ഥാന സര്‍ക്കാര്‍ ജിവനക്കാരുടെയും അധ്യാപകരുടെയും ശമ്പളപരിഷ്‌കരണത്തിനുള്ള പത്താം കമ്മീഷന്റെ ശുപാര്‍ശകള്‍ ജൂലായ് 10ന് സമര്‍പ്പിക്കും.

ദേശീയോദ്ഗ്രഥന സന്ദേശവുമായി നേതാജി സുഭാഷ് ചന്ദ്രബോസിന്റെ ജന്മസ്ഥലമായ കട്ടക്കിലെ ഒഡിയാബസാറില്‍ നിന്നും സംസ്ഥാനത്തെത്തിയ ജന്മമതിയാത്രയ്ക്ക് സംസ്ഥാന സര്‍ക്കാര്‍ സ്വീകരണം നല്‍കി.

ട്രെയില്‍നിന്ന് വീണ് പരിക്കേറ്റ യുവാവിനെ രക്ഷിക്കുന്നതിനായി വണ്ടി ഒരുകിലോമീറ്ററോളം പിന്നോട്ടെടുത്തു. പട്ടാമ്പികാരക്കാട് റെയില്‍വേസ്‌റ്റേഷനുകള്‍ക്കിടയില്‍ ഞായറാഴ്ച രാത്രി 7.10ഓടെയാണ് സംഭവം.

സംസ്ഥാനത്ത് ചൊവ്വാഴ്ച രാവിലെ വരെ ഒറ്റപ്പെട്ട കനത്ത മഴയ്ക്കും തീരദേശക്കാറ്റിനും സാദ്ധ്യത. ചില സ്ഥലങ്ങളില്‍ ഏഴ് സെന്റിമീറ്ററിലേറെ കനത്ത മഴയുണ്ടാവും.

കാലവര്‍ഷം ശക്തമായതോടെ നഗരത്തിന്റെ മിക്കഭാഗങ്ങളും വെള്ളത്തിലായി. കിള്ളിയാറില്‍ കാണാതായ ബാലന്റെ മൃതദേഹം കിട്ടി.

നാട്യശാസ്ത്ര കര്‍ത്താവായ ഭരതമുനിയുടെ പ്രതിമ തിങ്കളാഴ്ച വൈകീട്ട് 5ന് മുഖ്യമന്ത്രി ഉമ്മന്‍ചാണ്ടി അനാവരണം ചെയ്യും.

അടിയന്തര പ്രമേയത്തിന് അനുമതി നിഷേധിച്ചതില്‍ പ്രതിഷേധിച്ച് പ്രതിപക്ഷം നിയമസഭയില്‍ നിന്ന് ഇറങ്ങിപ്പോയി.